"Sherqiy türkistan islam herikiti" amérikaning "Térrorluq teshkilat tizimliki" din chiqiriwétildi

Muxbirimiz irade
2020-11-05
Share
pompeo-2020-5-awghust.jpg Amérika tashqi ishlar ministiri mayk pompéyo ependi tashqi ishlar ministirliqida ötküzülgen axbarat élan qilish yighinida sözlewatqan körünüsh. 2020-Yili 5-awghust, washin'gton.
AP

Amérika hökümiti "Sherqiy türkistan islam herikiti" namliq teshkilatning amérikaning "Térrorluq teshkilatlar tizimliki" din chiqirilghanliqini jakarlidi.

Amérika hökümitining "Dölet arxipi tor béti" de 5-noyabir küni élan qilin'ghan höjjetke qarighanda, yuqiriqi qarar amérika tashqiy ishlar ministiri mayk pompéyoning imzasi bilen 20-öktebir küni élan qilin'ghan. Höjjette mayk pompéyoning ". . . . Men ETIM dep atilidighan 'sherqiy türkistan islam herikiti' ning "Térorluq teshkilati" dep atilishini bikar qildim. Bu qarar amérika fédératsiye tizimlikide élan qilinidu," dégen yolyoruqi orun alghan.

Amérika 2001-yili 11-sintebir küni térroluq hujumigha uchrighandin kéyin xelq'araliq térroluqqa qarshi turush herikiti boyiche özini "Térorluqning qurbani" dewalghan xitay hökümiti teminligen melumatlar asasida "Sherqiy türkistan islam herikiti" teshkilatini "Térrorchi teshkilat" dep élan qilghan idi.

Bügün bu qararning bikar qilinishi muhajirettiki Uyghurlar arisida zor inkas qozghidi. Ular buni xitay hökümitining "Térrorluqqa qarshi turush" namida Uyghurlarni basturush bilen shughulliniwatqanliqining nöwette barghanséri köp sahege we kishilerge melum boluwatqanliqining netijisi, dep bahalidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet