"Aqsu xewer tori" : bay nahiyeside 10 a'ile birliship öginish qilish tüzümi yolgha qoyuldi

Muxbirimiz shöhret hoshur
2019-03-07
Élxet
Pikir
Share
Print

"Aqsu xewer tori" da ashkarilinishiche, aqsuning bay nahiyeside 10 a'ile birliship öginish qilish tüzümi yolgha qoyulghan.

Bu ehwal mezkur nahiyening bay bazirida 25‏-féwral küni qanun sawatliridin zéhin sinash musabiqisi ötküzülgenliki heqqidiki xewerde tilgha élin'ghan. Mutexessisler 10 a'ilini bir-birige mes'ul qilip bashqurush tüzümining Uyghur rayoni ishghaliyetke uchrighan deslepki yillardila ijra qilin'ghanliqi, kéyinki yillarda bu tedbirning shekli we nami özgergen bolsimu, emma ijra'ati we mahiyitining özgermigenlikini ilgiri sürgen idi.

Birqanche yilning aldida bay nahiyesidiki bir xizmet guruppisida wezipe ötigen, nöwette washin'gitonda yashawatqan Uyghur ziyaliysi memet sulayman ependi baydiki mezkur 10 a'ile birliship öginish qilish tüzümining özi wezipe ötigen mezgillerdimu barliqini, bu tüzümdiki meqsetning qanun ögitish emes, belki ahalilerni bir-birige paylaqchiliqqa sélish we kündilik pa'aliyitini toluq kontrol qilish ikenlikini otturigha qoydi.

"Aqsu xewer tori" da bu tüzümning qachandin béri yolgha qoyulghanliqi bayan qilinmighan, peqet bay nahiyeside qish mezgilide qanun tüzüm öginishning yuqiri pellige chiqqanliqi eskertilgen.

Ilgiri igiligen xewerlirimizde Uyghur rayonida milyonlighan kishilerning yighiwélish lagérlirida atalmish "Öginish" qiliwatqanliqi, lagér sirtidiki ahalilerning etigini kélip kechte qaytidighan ochuq lagérlarda ménge yuyush öginishlirige mejburiy qatnashturuluwatqanliqi delillen'gen idi.

Toluq bet