Arfiye éri: “Uyghurlar güllep-yashnashqa heqliq!”

Muxbirimiz eziz
2023.05.16

2023-Yili aprélda yaponiye parlaméntining ezaliqigha saylan'ghan Uyghur qizi arfiye éri (arfiye ablet) yéqinda “Aksyos” (Axios) torining mexsus ziyaritini qobul qildi. Ziyaret jeryanida arfiye Uyghurlar öz yurtida qirghinchiliqqa we basturushlargha duch kéliwatqanda dunyaning bashqa jaylirida ularning siyasiy, iqtisad we bashqa sahelerde özige chushluq utuq qaziniwatqanliqini alahide tekitlidi.

“Aksyos” torining 16-maydiki xewiride éytilishiche, u bu qétimqi ziyaret jeryanida “Biz hazir qirghinchiliqning qurbani boluwatimiz. Emma bizning utuq qazinishqa, shuningdek güllep-yashnashqa layaqetlik bir xelq ikenlikimizni öz xizmitim arqiliq namayan qilip bersemken, dégen ümidtimen” dégen. Gerche arfiyening yaponiye parlaméntidiki wezipisi biwasite halda Uyghurlar üchün xizmet qilish bolmisimu emma uning balilar parawanliqi, apetke taqabil turush qatarliq sahelerdiki bijanidil xizmetliri bilen Uyghurlarningmu yuqiri derijidiki siyasiy sahede muweppeqiyetlik xizmet qilalaydighanliqini namayan qilghanliqi muhajirettiki Uyghurlarning qizghin alqishigha muyesser bolghan.

Arfiye yaponiyede tughulup chong bolghan hemde yaponiye siyasiy sahesige kirgen tunji Uyghur hésablinidu. Melum bolushiche, yaponiyede texminen ikki ming etrapida Uyghur yashimaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.