Uyghur élidin tépilghan 2400 yildin burunqi at söngiki xitay siyasiy tarixi heqqide talash-tartish qozghidi

Muxbirimiz erkin
2020-11-16
Share

Yéqinda xitay gherbiy-shimal uniwérsitétining ikki arxé'ologi bilen amérika kolorado uniwérsitétining arxé'ologi wilyam teylor Uyghur élining barköl  nahiyesidiki tash mösin, dégen jayda arxé'ologiyelik qézish élip bérip, bu jaydin 2400 yil burunqi at söngeklirini bayqighan. Arxé'ologlar bu atlarning burun, chish, bel söngeklirini analiz qilip, ularning buningdin 2400 yil burun minishke ishlitilgenlikini jezmleshtürgen. Lékin arxé'ologlarning bu atning söngeklirini xitay tarixigha baghlishi talash-tartish qozghighan.

"Nyu-york waqti"gézitide 13-noyabir élan qilin'ghan bir maqalide körsitilishiche, arxé'ologlar tash mösindin tépilghan at söngekler kishilerning atni eng burun xitayda min'genlikining ispati, dep körsetken shundaqla bu atning xitayda miladiyidin 350 yil burun jengde ishlitilip, chin sulalisining xitayni birlikke keltürüshi, yipek yolini échishida oynighan rolini chüshinish üchün muhim delil bilen teminleydighanliqini ilgiri sürgen.

Xitay arxé'ologlirining bu yeküni  amérikaliq Uyghurshunas, jorji towin uniwérsitétining proféssori jéymis milwardning ret qilishigha uchrighan. Jéymis milward, at söngiki tépilghan jayning bu dewrlerde , yeni  urushqaq beglikler dewride gherbiy jow we chin sulalisi zémini emesliki, gherbiy jow we chin sulalisi chégrasi at söngiki tépilghan jayning 1700 kilométir sherqide ikenlikini bildürgen. "Nyu-york waqti "gézitidiki maqalining aptori katérin korneymu tiwwitérda chüshenche bérip, "Shinjangning miladiydin burunqi 350-yili >xitay< dep xata yézilip qalghanliqi", bu dewrdiki "Shinjang xitayning siyasiy yaki medeniyet  parchisi emesliki"ni tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet