Kucharda "Kusen medeniyiti" ni qoghdash we tereqqiyatini qéliplashturush pilani otturigha qoyghan

Muxbirimiz erkin
2016-12-23
Share

Uyghur aptonom rayoni qedimki Uyghur medeniyitining böshüki-kusen medeniyitini qoghdash we uning tereqqiyatini qéliplashturush pilani otturigha qoyghan.

Xitay shinxu'a agéntliqining xewer qilishiche, "Kusen medeniyiti tereqqiyat programmisi" namliq mezkur pilan 20‏-dékabir Uyghur ilining kuchar nahiyeside ötküzülgen ilmiy muhakime yighinida muzakire qilin'ghan.

Yighin'gha xitayning tarix, arxé'ologiye, sen'et, usul, chalghu eswab saheliridiki 30 dek mutexessis qatnashqan.

Yighinda, yipek yolining shekillinish tarixiy bilen xitayning hazirqi "Bir belwagh bir yol" istratégiyesini birleshtürüp, "Kusen medeniyiti"ni qoghdash, tereqqiy qildurushni qandaq qéliplashturush, uning omumiy ramkisi, mezmuni, kusen medeniyet uqumi qatarliq mesililer talash-tartish qilin'ghan.

Emma bezi Uyghur arxé'olog we ming öy tetqiqatchilirining bildürüshiche, kusen medeniyitini qéliplashturushta uning eslige sadiq bolush, özgertmeslik, burmilimasliq shert. "Qizil ming'öy resimliri" namliq kitabning aptori, arxé'olog we qedimki yéziqlar tetqiqatchisi qurban weli, ilgiri qizil ming resimlirini köchürüp sizilip, resimlerning portiriti özgertilgenlikini bildürdi. Uning qeyt qilishiche, kusen medeniyiti sap Uyghur medeniyiti, kusen medeniyiti uqumi we uning qéliplashturush namidiki herqandaq layihe choqum uning eslige sadiq bolushi kérek.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet