Б д т: ашлиқ йетишмәслик мусапирлар вә тоқунушларни көпәйтиду

Мухбиримиз җүмә
2017-05-06
Share


Бирләшкән дөләтләр тәшкилатиниң билдүрүшичә, ашлиқ вә йемәк-ичмәк йетишмәслик мәсилиси дуняда мусапирлар вә қораллиқ тоқунушларни йәниму көпәйтиветидикән.

Б д т хәвәр мәркизиниң хәвәр қилишичә, юқири мәлуматлар б д т дуня ашлиқ программисини елан қилған "көчмәнликниң йилтизи: ашлиқ хәвпсизлики вә дуняви көчүш" намлиқ йеңи доклатта оттуриға қоюлған.

Доклатта көрситишичә, ашлиқ йетишмәсликтин келип чиққан көчүш вә қораллиқ тоқушлар миңлиған милйонлиған дәмни ачарчилиқ вә өй-маканлирини ташлап чиқип кетиш хәвпигә қистайдикән.

Уларниң көрситишичә, йемәк-ичмәк хәвпсизликигә келидиған һәр 1 пирсәнт хәтәр йәнә 1.5 Пирсәнт адәмни мусапирлиққа қистайдикән. Доклатқа қариғанда йәнә көчмәнлик мәсилисиму өз нөвитигә йемәк-ичмәк йетишмәклик мәсилисини еғирлаштуридиған амилларниң бири икән.

Хәвәрдә нәқил қилишичә, 5-май доклат елан қилиш мунасивити билән сөз қилған б д т ашлиқ программисиниң директори дәйвид бислей мундақ дегән: "бизниң милйонға ака-ука, ача-сиңиллиримиз өй-маканлирини ташлап қачти вә санақсиз җәбри-җапаларға йолуқти. Бу трагедийәлик әһвални башқиларға билдүрүш бизниң бурчимиз."

Мәлум болушичә, нөвәттә йәмән, сомали қатарлиқ дөләтләрдә 20 милйон адәм ачарчилиқ вә су йетишмәслик хәвпни ичидә қалған.

Нөвәттә явропа 2014-йилидин 2016-йилиғичә болған арилиқта келип йәрләшкән 1 милйон 600 миң мусапирни бир тәрәп қилиш кризисиға дуч кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт