B d t ning tekshürgüchisi xitayni Uyghurlargha qaritilghan "Ashqunluqni tügitish nizami"ni bikar qilishqa chaqirghan


2020-11-06
Share

B d t ning alahide tekshürgüchisi exmed shahit b d t da doklat bérip, döletlerni  az sanliq milletlerning diniy erkinlikige buzghunchiliq qiliwatqan qanunlirini bikar qilishqa chaqirghan. U buninggha xitayning Uyghurlargha qarshi "Esebiylikni tügitish nizami" chiqirip, ularni keng kölemlik tutqun qilishini misal qilip körsetken. Uning tekitlishiche, "Xitay bir milyondin artuq Uyghur, qazaq we bashqa musulman milletlerni >qayta-terbiyelesh< lagérlirigha qamap, buni ashqunluqni tügitish charisining bir qismi, dep aqlimaqta" iken.

Xitay hökümiti 2017-yili bashlan'ghan chong tutqunning aldida "Shinjang Uyghur aptonom rayonining esebiylikni tügitish nizami"ni chiqirip, yüz minglighan Uyghurni kesken.  "Körüsh" tor zhornilining 5- noyabir xewer qilishiche, exmed shahit doklatida bu nizamning diniy ashqunluqning ipadilirini  tutqun qilishni kapeletke ige qilghanliqi, xususen"Islam we Uyghur mediniyini ashkare namayen qilghan, saqal qoyghan yashlar, yüzini yapqan ayallar, ay-yultuz chüshürülgen nersilerni saqlighan kishilerning tutqun qilin'ghanliqi"ni bildürgen.

U yene xitayning Uyghurlargha qaratqan "Esebiylikke qarshi turush" herkiti uning falun'gong we tibet qatarliq  bashqa diniy guruppilargha tutqan mu'amilisinimu namayen qilididighanliqini bildürgen. Uning tekitlishiche, xitay qatarliq döletler kemsitishke xatime bermise, bashqilarninng kimlikini chetke qéqishni we milletchilik hujumlirini toxtatmisa, zorawanliq we qirghinchiliq jinayetlirini yüz bérishige türtke bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet