"Atlantik" zhurnili: "Xitay dégen bir qeghez yolwas"

Muxbirimiz jewlan
2021-05-05
Share

Xitayning zadi qanchilik küchi bar? xitaygha taqabil turush üchün uning küchini qandaq mölcherlesh kérek? "Atlantik" zhurnilida élan qilin'ghan bir maqalide bu nuqtilar tehlil qilin'ghan bolup, maqalide aptor amérika prézidénti jow baydénning tunji qétimliq dölet mejlisi birleshme yighinida xitayni 4 qétim tilgha alghanliqini, emma her bir jümle sözidin xitayning tesirini hés qilghili bolidighanliqini, buningdin jow baydénning xitayni riqabetchi dölet dep qarap, bu riqabette utup chiqishni özining prézidintliq hayatidiki chong sinaq dep qaraydighanliqini otturigha qoyghan.

Arqidinla aptor yene 2018-yil neshr qilin'ghan "Amérika néme üchün yenila dunyadiki birdinbir derijidin tashqiri dölet?" dégen kitabtiki köz qarashni neqil keltürüp, xitayning iqtisad, pul-mu'amile, téxnika we herbiy küchige a'it statistikiliq melumatlarning toghra emesliki we köptürüwétilgenlikini, "Xitay amérikadin éship kétidu" dégen qarashning toghra emeslikini we bu qarashning amérikini xata höküm, xata siyasetke bashlaydighanliqini otturigha qoyghan.

Aptorning qarishiche, eger dölet ichki ishlepchiqirish omumiy qimmiti (GDP) ni deydighan bolsa, xitay 19-esirdila dunya boyiche eng küchlük dölet hésablinatti. Emma GDP peqet sannila körsitidu, süpetni körsetmeydu. Xitayning GDP sanliq melumati hazirmu yuqiri, emma uning ichi bosh. Xitayning ma'aripi, téxnikisi we herbiy küchi yenila amérikagha yételmeydu. Xitay karxanilirining tetqiqat üchün ajratqan meblighi ularning kirimige baqqanda nahayiti töwen. Xitay teqlid qilip yasashta dunyada birinchi bolsimu, halqiliq téxnika yenila amérikining qolida. Xitay amérikagha iqtisad we tereqqiyat jehettin yétishiwélishi mumkin, emma buning unche ongushluq bolup kétishi natayin. Xitayning tüzülmiside éghir mesililer mewjut, puqralirini basturush chiqimliri ghayet zor salmaqni igileydu. Xitayning herbiy chiqimliri asasen kommunistik hakimiyetni qoghdash üchün serp qilinidu, amérikaning bolsa tashqi düshmen'ge taqabil turush üchün ishlitilidu. Xitayning déngiz yolliri uning reqibliri bilen qorshalghan, u yaqtin rusiyemu xalighan chaghda xitaygha düshmen bolalaydu. Qisqisi xitayning küchini bek yuqiri mölcherlep, uninggha xata höküm qilip, xata tedbir tüzmeslik kérek.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet