Amérika awam palatasining mu'awin re'isi kéwin makkartiy amérika shirketlirini Uyghur mejburiy emgikidin uzaq turushqa chaqirdi

Muxbirimiz irade
2021-06-17
Share

Xitayning Uyghurlargha qaritiwatqan mejburiy emgikini ayaqlashturush we amérika shirketlirining bu mejburiy emgektin payda élishining aldini élish üchün aktip heriket qilip kéliwatqan amérika awam palatasining jumhuriyetchi mu'awin re'isi kéwin makkartiy xitaydiki mejburiy emgektin payda éliwatqan amérika shirketlirini jazalash üchün bu heqtiki munasiwetlik qanun'gha özgertish kirgüzüsh layihesini sun'ghan.

16-Iyun küni kéwin makkartiy bu heqtiki bayanatida mundaq dégen:

"Nurghun mehsulatlarning xitayda ishlepchiqirilidighanliqi sir emes, shundaqla xitay kompartiyesining Uyghurlarni mejburiy emgek salidighanliqimu sir emes. Amérikaliqlar erkinlik üchün küresh qilghuchilar bolush süpiti bilen qul emgikige köz yumsa bolmaydu."

U yene mundaq dégen: "Héchqandaq amérika shirkiti xitayda yaki bashqa jaylarda mejburiy emgekke tayinidighan mehsulat yaki mulazimetlerge chétilip qalmasliqi kérek, biz jumhuriyetchiler négizlik kishilik hoquq siniqidin ötelmigen bu shirketlerge jaza yürgüzüsh üchün heriketke ötüp bu layiheni otturigha qoyduq."

Kéwin makkartiy yene amérikaning xitayda Uyghurlargha qaritiliwatqan mejburiy emgekni ayaqlashturush, amérika shirketlirining buningdin menpe'etlinishining aldini élish üchün emeliy tedbirlerni qollinishi kéreklikini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet