Awstraliye parlamént ezasi lisa sing parlaméntta Uyghur mesilisini otturigha qoydi

Muxbirimiz shöhret hoshur
2018-08-22
Élxet
Pikir
Share
Print

Awsraliye kéngesh palatasining ezasi, ishchilar partiyesining wekili lisa mariya sing tünügün, yeni 21‏-awghust küni awstraliye parlaméntida qilghan sözide Uyghur mesilisini mexsus tilgha élip ötken.

U sözide Uyghurlarning uzaq we shanliq bir tarixqa ige bir millet ikenliki, Uyghur aptonom rayonida ikki yildin buyan misli körülmigen bir insan heqliri depsendichiliki yüz bériwatqanliqini bayan qilghan.

B d t irqi ayrimichiliqni tügitish komitétining doklatidin neqiller keltürgen lisa xanim Uyghur aptonom rayonida nöwette 2 milyon'gha yéqin kishining "Qayta terbiye" lagérlirida solinip yétiwatqanliqini otturigha qoyghan. Uyghur insan heqliri weziyitining herqaysi saheliridin misallar keltürgen lisa xanim xitayning bu depsendichilikni atalmish "Diniy ashqunluqqa qarshi turush" we "Muqimliqni saqlash" nami astida élip bériwatqanliqini ilgiri sürgen.

Lisa xanim bu sözlerni tünügün awstraliye parlaméntida kambodzha weziyiti heqqide bergen bayanatining dawamigha qisturup ötken. U sözining axirida kambodzhadiki we Uyghur aptonom rayonidiki insan heqliri mesilisining choqum hel qilinishi kéreklikini, buninggha démokratik bir dölet bolghan awstraliyening choqum arilishishi kéreklikini tekitligen.

Aldinqi hepte awstraliye parlaméntining torida awstraliyediki Uyghurlarning imzaliq telepname pa'aliyiti bashlan'ghan. Mezkur telepnamide awstraliye hökümitining Uyghur rayondiki yighiwélish lagérlirini taqash heqqide xitaygha bésim ishlitishi telep qilin'ghan idi. Awstraliye sherqi türkistan jem'iyitining yétekchilikide bashlan'ghan mezkur pa'aliyet hélihem dawam qilmaqta.

Toluq bet