Xitay "Awstraliye-xitay iqtisad di'alogi" qarmiqidiki barliq pa'aliyetlerni toxtatqanliqini jakarlighan

Muxbirimiz irade
2021-05-06
Share

6-May peyshenbe küni xitay hökümiti awstraliye-xitay istratégiye iqtisad di'alogi qarmiqidiki barliq pa'aliyetlerni "Muddetsiz" toxtatqanliqini jakarlighan.

Roytérs agéntliqining xewer qilishiche, xitay döletlik tereqqiyat we islahat komitéti bayanatida "Yéqinda awstiraliye hökümitining bir qisim emeldarliri soghuq munasiwetler urushi idiyesi we idiyewi kemsitish sewebidin xitay bilen awstiraliye otturisidiki normal almashturush we hemkarliqni qalaymiqanlashturush üchün bir qatar tedbirlerni yolgha qoydi," dégen.

Mezkur bayanatta bu tedbirlerning konkirét némilikini éniq tilgha almighan. Biraq yéqinda awstraliye hökümiti wiktoriye shitati tüzgen "Bir belwagh bir yol" hemkarliq kélishimini emeldin qaldurghan idi. Eyni chaghda awstraliyediki xitay elchisi'i buni eyiblep, bu heriketning ikki dölet munasiwitining téximu nacharlishishigha seweb bolidighanliqini agahlandurghan.

Xitay tashqiy ishlar ministirliqining bayanatchisi wang wénbin 6-may künidiki axbarat yighinida qilghan sözide xitayning bu herikitini awstraliyege qayturulghan "Zörür we qanunluq inkas we awstraliye toluq mes'uliyetni üstige élishi kérek," dégen.

Awstiraliye soda ministiri dan téxan bolsa xitay terepning qararining kishini ümidsizlendürighanliqini bildürüp: "Eslide bu iqtisadiy söhbet ikki terep arisidiki mesililerni hel qilidighan munber idi," dégen.

2018-Yili awistiraliye tunji bolup xu'awéyning 5G torini ashkara chekligen idi. Awistiraliye yene ötken yili korona wirusi yuqumining kélip chiqishini musteqil tekshürüshni telep qilghanliqi üchün xitay qattiq narazi bolup, awstraliyege öch élish xaraktérliq bir qisim soda cheklimilirini élan qilghan. Ikki dölet munasiwetliri shundin béri izchil jiddiy halette turmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet