Awstraliye ishchilar uyushmisi awstraliye hökümitini Uyghur rayonidiki quyash énirgiyesi birikme détaligha chétishliq mejburiy emgekke diqqet qilishqa chaqirghan

Muxbirimiz jewlan
2021-04-22
Share

Awstraliye ABC torining xewer qilishiche, awstraliye ishchilar uyushmisi awstraliye fédratsiye hökümitini Uyghur rayonidiki quyash énirgiyesi birikme détalliri ishlepchirishigha chétishliq mejburiy emgek mesilisige diqqet qilishqa chaqirghan bolup, bu mesilini hel qilish üchün awstraliyening özige meblegh sélip, quyash énirgiyesi birikme détalliri ishlepchiqirishqa dewet qilghan.

Xewerde éytilishiche, awstraliyede ornitilghan quyash énérgiyesi taxtisining 80 pirsenti xitaydin kélidiken. Halbuki, xitaydin kélidighan bu mal Uyghurlarni mejburiy emgekke salidighan zawutlarda ishlepchiqirilidiken.

Awstraliye ishchilar uyushmisi kéngishi hökümetning mejburiy emgek arqiliq ishlepchiqirilghan yaki yasalghan barliq mallarni import qilishni cheklishini ümid qilidiken. Mezkur kéngeshning re'isi mishél onéyl muxbirgha qilghan sözide xitayning Uyghurlargha séliwatqan zulumini, jümlidin mejburiy emgek we adem etkeschiliki jinayetlirini tilgha alghan.

Buningdin ilgiri amérika ishchilar uyushmisi baydén hökümitige bésim ishlitip, Uyghur rayonida ishlepchiqirilidighan quyash énérgiyesi taxtisini import qilishni chekleshni telep qilghanidi. Mishél oniyélning bildürüshiche, awstraliye xitayda mejburiy emgek arqiliq ishlepchiqirilghan mehsulatlarni sétiwalmasliq jehette amérika, en'giliye, kanada qatarliq döletlerdin kéyin turidiken.

Xitay hökümiti bolsa mejburiy emgek mesilisini inkar qilipla qalmay, xelq'araning uning bilen chétishliq mallarni almasliqini "Xitayning iqtisadiy tereqqiyatigha qilin'ghan qesten buzghunchiliq" dep eyiblep kelmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet