Awstraliye bilen xitayning Uyghurlar mesilisidiki ixtilapi kücheygen

Muxbirimiz erkin
2021-05-03
Share

Awstraliye bilen xitayning Uyghurlar mesilisidiki ixtilapi küchiyip, xitay hökümiti awstraliyege resmiy tehdit salghan. "Awstraliye géziti" ning xewer qilishiche, xitay awstraliyediki Uyghurlargha hésdashliq qilghan siyasetchilerni shinjangdiki "Térrorchilar" bilen til biriktürüsh bilen eyibligen. Eger ular Uyghur pa'aliyetchilirini dawamliq qollisa kanbérraning "Köyidighanliqi" ni bildürgen.

Xewerde, xitay tashqi ishlar ministirliqi bayanatchisi wang wénbinning awstraliyelik siyasetchilerge "Awstraliye sherqiy türkistan jem'iyiti" ni qollap, xitaygha qarshi "Térrorluq "Teshkilati bilen til biriktürdi, dep hujum qilghanliqi tekitlen'gen. "Awstraliye" gézitining ‍éytishiche, bolupmu xitay taratquliri awstraliyening yardemchi dölet mudapi'e ministiri andériw xasti bilen musteqil parlamént ezasi rekis patrikqa hujum qilghan.

Rekis patrik "Awstraliye géziti" ge qilghan sözide, xitay terepning bayanlirigha jawab bermeydighanliqi, chünki buning "Uyghurlarni xorlashni toxtitishqa yardimi yoqluqi" ni bildürgen. U:

"Méning diqqet nuqtam adélayd we pütün awstraliyediki xitay kompartiyesining buyruqi bilen élip bérilghan shinjangdiki irqiy qirghinchiliq we zulumning iztirapini chékiwatqan a'ililerni qollashtur" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet