Awstraliye hökümiti xitaygha Uyghur ana-balini xitay chégrasidin chiqirish heqqide chaqiriq qilghan

Muxbirimiz sada
2019-07-17
Élxet
Pikir
Share
Print

17-Iyul küni awstraliye tashqi ishlar ministiri merays peyn béyjingdiki xitay elchixanisigha awstraliye puqrasi sadam abdusalamning xitayda qalghan ayali we balisini xitaydin chiqishqa yol qoyush heqqide bayanat élan qilghan.

CNN Ning shu kündiki xewirige qarighanda, xitay tashqi ishlar ministirliqining bayanatchisi géng shu'ang 17-iyul qilghan sözide özining awstraliye hökümitining bayanatini körüp baqmighanliqini bildürgen.

Géng shu'ang sözide yene: "Eger awstraliye hökümiti bizni bu ehwalgha munasiwetlik tepsilatlar bilen teminlise, biz choqum ularni biz ezeldin qilip kelgendek zörür bolghan yardem bilen teminleymiz," dégen.

Xewerde awstraliye tashqi ishlar ministiri merays peyn sadam abdusalamning ayali we balisi bilen jem bolushi üchün dawamliq heriket qollinidighanliqini bildürgen.

Sadam abdusalam 2013-yili awstraliye puqraliqigha ötken. U 2016-yili hazirqi ayali nadire ömer bilen toy qilghan we 2017-yili oghli lutfiyar sadam tughulghan. Sadamning ayali nadire awstraliye puqrasi bolmighanliqtin oghli bilen bille izchil xitayda turup sadamning munasiwetlik yollarni qilishini saqlighan. Halbuki Uyghur diyarida 2017-yilidin bashlan'ghan zor kölemlik tutqunning tesiride nadire ömer we lutfiyar sadamning chet'elge chiqishi cheklimige uchrighan. 16-Iyul sadam abdusalamning ayali we balisi heqqide bergen guwahliq widiyosi tarqitilghandin kéyin, xitay da'iriliri uning ayalini tutup ketken we üch sa'et soraq qilip qoyup bergen.

Igilinishiche, sadam abdusalam ayali we balisini awstiraliyege ekélish üchün dawamliq izdenmektiken.

Toluq bet