"базфед" ахбарат тори: "уйғур елидики аз дегәндә 135 лагерда ишләпчиқириш карханиси қурулған"

Мухбиримиз әркин
2020-12-29
Share

Америкадики "базфед" намлиқ ахбарат орни тәкшүрүш елип берип, хитайниң уйғур елидики аз дегәндә 135 лагерида ишләпчиқириш карханилириниң қурулғанлиқи, уйғурларниң бу орунларда нәзәрбәнт қилинипла қалмай, бәлки йәнә мәҗбурий әмгәккә селинидиғанлиқини билдүргән. "базфед хәвәрлири" ниң билдүрүшичә, улар бу учурларға һөкүмәт һөҗҗәтлирини, сүний һәмраһ сүрәтлирини анализ қилиш вә кишиләрни зиярәт қилиш арқилиқ еришкән болуп, бу һәқтики анализлар улар байқиған орунларниң ичидә аз дегәндә 135 орундики лагерниң ишләпчиқириш карханиси барлиқини көрситип бәргән.

Хәвәрдә бу орунлардики карханиларда кәң көләмлик мәҗбурий әмгәкниң йолға қоюлуватқанлиқи ениқ икәнликини, шуниңдәк уйғур елидә лагерларниң ичи-сиртидики карханиларниң һәммисиниң охшаш характергә игә икәнлики тәктиләнгән. Хәвәрдә билдүрүшичә, улар суний һәмраһ сүрити арқилиқ байқиған бир орундики лагер вә униң ишләпчириш карханисиниң көлими 21 милйон квадрат фет болуп, униң көлими форд аптомобил шеркитиниң мичиган штатидики "ривер рог" аптомобил ишләпчириш муәссәсиниң көлимидинму нәччә милйон квадрат фет чоң икән.

Хәвәрдә йәнә вашингтондики C4ADS намлиқ аммиви тәшкилатниң санлиқ мәлуматини нәқил кәлтүрүлгән болуп, мәзкур аммиви тәшкилат уйғур елидики лагерларниң ичи вә сиртида кархана қурған 1500 дәк хитай ширкитиниң тизимликини турғузған икән. Хәвәрдә бу ширкәтләрниң 92 синиң импорт-екиспорт билән шуғуллинидиғанлиқи, уларниң ичидики "җихуа-7555" намлиқ бир ширкәтниң һәрбий кийим-кечәк ишләпчиқирип, хитай азадлиқ армийәси, қораллиқ сақчи қисими вә җ х органлирини кийим-кечәк билән тәминләйдиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт