Уйғур елидики ахбаратчилар сиясий җәһәттин қәтий болушқа чақирилди

Мухбиримиз ирадә
2016-11-17
Share

Уйғурларниң пикир әркинлики, ахбарат вә учур әркинликиниң қаттиқ бесимға учраватқанлиқи хәлқара кишилик һоқуқ органлириниң тәнқидигә учраватқан мәзгилдә, хитай даирилири йәнә уйғур елидики ахбаратчиларни партийиниң сиясий йөнилишидә қәтий чиң турушқа чақирған.

Хәлқ ториниң хәвиридин қариғанда, уйғур аптоном район даирилири йеқинда ахбарат саһәсидикиләргә йиғин ечип, уларни хитай дөләт рәиси ши җинпиңниң муһим сөзиниң роһини изчиллаштурушни, тоғра сиясий йөнилиштә чиң туруп, сиясий җәһәттә қәтий ахбаратчилардин болушқа чақирған.

Хәлқарадики кишилик һоқуқ органлири ши җинпиң дәвридә хитайдики ахбарат -пикир әркинликиниң һәссиләп чекингәнликини, болупму уйғур елида вәзийәтниң техиму еғирлиқини билдүрмәктә. Бирақ, даириләр йеқиндин буян арқа -арқидин йиғин чақирип, ахбарат саһәси вә интернет торини башқуруп, уни партийиниң мәйдани вә иҗабий тәшвиқатлар үчүн хизмәт қилдурушни җиддий тәкитлимәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт