"азадлиқ радийоси" ниң татар вә башқирт тиллиридики аңлитиши 1-өктәбирдин башлап тохтитилған

Мухбиримиз қутлан
2016-10-03
Share

Чехийә пайтәхти прагадин аңлитиш бериватқан "азадлиқ радийоси" ниң татар вә башқирт тиллиридики аңлитиши 1-өктәбирдин етибарән тохтитилғанлиқи мәлум.

Бу хәвәр әң дәсләп "азадлиқ радийоси" ниң 30-сентәбир күнидики татарчә тор бетигә берилгән болуп, хәвәрдә татар вә башқирт тиллиридики аңлитишниң немә сәвәбтин тохтитилғанлиқи тоғрилиқ һечқандақ учур берилмигән.

Мәлум болушичә, "азадлиқ радийоси" ниң татар вә башқирт тиллиридики аңлитиши күндә йерим саәт болуп, аңлитиш нишани русийә федератсийәсиниң татаристан аптоном җумһурийити, қирим җумһурийити вә башқирт аптоном җумһурийитигә қаритилған икән.

"азадлиқ радиоси" билән "әркин явропа радийоси" 1950-йилларниң башлирида америкиниң мәбләғ селиши билән ғәрбий германийәниң мюнхен шәһиридә тәсис қилинған. Бу радио соғуқ уруш башланғандин кейинки америкиниң ташқи истратегийәси билән маслашқан болуп, униң аңлитиш даириси сабиқ совет советлар иттипақи билән шәрқий явропадики коммунизм лагериға тәвә әлләрни нуқта қилған икән.

"азадлиқ радиоси" әйни чағда орта асия вә кафказ районидики түркий тилларни асас қилған һалда 14 хил тилда аңлитиш бәргән. 1950-Йилларниң ахиридин етибарән уйғурчә аңлитиш башлинип 1978-йилиға кәлгәндә тохтитилған иди.

Сабиқ совет иттипақи йимирилип соғуқ уруш ахирлашқандин кейин, "азадлиқ радиоси" мюнхендин чехийә пайтәхти парагаға көчүрүлгән. "азадлиқ радиоси" ниң йерим әсирдин көпрәк давамлашқан татар вә башқирт тиллиридики аңлитишиниң нөвәттә тохтитилиши аңлиғучиларда күчлүк инкас пәйда қилмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт