"Azadliq radiyosi" ning tatar we bashqirt tilliridiki anglitishi 1-öktebirdin bashlap toxtitilghan

Muxbirimiz qutlan
2016-10-03
Share

Chéxiye paytexti pragadin anglitish bériwatqan "Azadliq radiyosi" ning tatar we bashqirt tilliridiki anglitishi 1-öktebirdin étibaren toxtitilghanliqi melum.

Bu xewer eng deslep "Azadliq radiyosi" ning 30-séntebir künidiki tatarche tor bétige bérilgen bolup, xewerde tatar we bashqirt tilliridiki anglitishning néme sewebtin toxtitilghanliqi toghriliq héchqandaq uchur bérilmigen.

Melum bolushiche, "Azadliq radiyosi" ning tatar we bashqirt tilliridiki anglitishi künde yérim sa'et bolup, anglitish nishani rusiye fédératsiyesining tataristan aptonom jumhuriyiti, qirim jumhuriyiti we bashqirt aptonom jumhuriyitige qaritilghan iken.

"Azadliq radi'osi" bilen "Erkin yawropa radiyosi" 1950-yillarning bashlirida amérikining meblegh sélishi bilen gherbiy gérmaniyening myunxén shehiride tesis qilin'ghan. Bu radi'o soghuq urush bashlan'ghandin kéyinki amérikining tashqi istratégiyesi bilen maslashqan bolup, uning anglitish da'irisi sabiq sowét sowétlar ittipaqi bilen sherqiy yawropadiki kommunizm lagérigha tewe ellerni nuqta qilghan iken.

"Azadliq radi'osi" eyni chaghda orta asiya we kafkaz rayonidiki türkiy tillarni asas qilghan halda 14 xil tilda anglitish bergen. 1950-Yillarning axiridin étibaren Uyghurche anglitish bashlinip 1978-yiligha kelgende toxtitilghan idi.

Sabiq sowét ittipaqi yimirilip soghuq urush axirlashqandin kéyin, "Azadliq radi'osi" myunxéndin chéxiye paytexti paragagha köchürülgen. "Azadliq radi'osi" ning yérim esirdin köprek dawamlashqan tatar we bashqirt tilliridiki anglitishining nöwette toxtitilishi anglighuchilarda küchlük inkas peyda qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet