Baghdattiki partlashta köp sanda adem hayatidin ayrildi

Muxbirimiz ümidwar
2016-07-03
Share


Shenbe küni kéchide baghdad shehiride yüz bergen partlash weqeside ölgenlerning sanining 131 neperge, yaridar bolghanlarning 160 ke yetken.

B b s agéntliqining el - jezire téléwiziyesidin neqil élishiche, mezkur bir qatar partlash ichidiki eng küchlük partlash shenbe künide kéchide baghdad sheher merkizidiki qaynaq el - qarrada dégen bazar jayidiki bir réstoran etrapida bomba qachilan'ghan aptomobilning partlishi bilen emelge ashurulghan. Ikkinchi qétimliq partlash uningdin melum waqit ötkendin kéyin baghdadning shimalida yüz bergen.

Qattiq partlash yüz bergen baghdad sheher merkizide köpligen réstoranlar, magizinlar bar bolup, ramizan mezgili bolghachqa kechte bu yerge nahayiti köp adem kélidiken.

Partlash weqesidin kéyin, iraq bash ministiri heyder abadi partlash yüz bergen jaygha barghan we u "Bu da'éshning iraq armiyisi fallujani azad qilghanliqigha qarshi élip barghan hujumi" dégen.

Roytérsning xewer qilishiche, da'ésh baghdattiki bu partlashni élip barghanliqini bildürgen.

Ötken hepte iraq hökümet qoshunliri da'éshning kontrolluqidiki falluja shehirini igilep, bu jayni öz kontrolluqi astigha alghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet