Хитай даирилири хотәндики уйғур балилириға тор арқилиқ "вәтәнпәрвәрлик" тәрбийәси башлиған

Мухбиримиз әркин
2020-12-11
Share

Хитай даирилири уйғур елиниң хотән вилайитидики оттура-башланғуч мәктәп оқуғучилириға тор арқилиқ хитайниң "вәтәнпәрвәрлик" тәрбийәси башлиған. Шинхуа агентлиқиниң хәвәр қилишичә, 10-декабир башланған син арқилиқ" йетилишкә ярдәм бериш пилани: 2020-йили шинҗаң хотән "намлиқ мәзкур тәрбийәләш түри хитайниң бейҗиң шәһәрлик радийо-телевизийә идариси, әйчийи тор видейо мунбири, хитай маарип тәрәққият фондиниң ярдимидә йолға қоюлған.

Мәлум болушичә, нөвәттә хотән вилайитидики 850 оттура-башланғуч мәктәпкә "әйчийи тор видейо мунбири" ниң хитайниң "вәтәнпәрвәрлик" идийәси, "җуңхуа миллити" тәрбийәси мәзмун қилинған 850 тал "алтун әзалиқ картиси" тарқитип берилгән. Көзәткүчиләрниң тәкитлишичә, хитайниң хотәндә йолға қойған мәзкур дигитал тәрбийәләш түри уйғур балилиридики уйғур кимлик идийәсини үзүл кесил йоқитишни мәқсәт қилған меңә ююш һәрикити болуп, бу районда давам қиливатқан "мәдәнийәт қирғинчилиқи" ниң парчиси икән.

Шинхуа агентлиқиниң ашкарилишичә, мәзкур тәрбийәләш түри 10-декабир хотәндики оттура-башланғуч мәктәп оқуғучилириға "мән вә мениң вәтиним" намлиқ видейо филимини қоюп бериш билән башланған. Хәвәрдә, "әйчийи тор видейо мунбири" ниң муавин директори ваң җяврун, хотәндики ятақлиқ мәктәпләрдиму елип берилидиғанлиқини билдүргән. Мәлум болушичә, бу тәрбийәләш түригә хотәндики 400 миңдин артуқ оттура-башланғуч мәктәп оқуғучилириниң һәммиси қатнаштурулидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт