Xitay da'iriliri xotendiki Uyghur balilirigha tor arqiliq "Wetenperwerlik" terbiyesi bashlighan

Muxbirimiz erkin
2020-12-11
Share

Xitay da'iriliri Uyghur élining xoten wilayitidiki ottura-bashlan'ghuch mektep oqughuchilirigha tor arqiliq xitayning "Wetenperwerlik" terbiyesi bashlighan. Shinxu'a agéntliqining xewer qilishiche, 10-dékabir bashlan'ghan sin arqiliq" yétilishke yardem bérish pilani: 2020-yili shinjang xoten "Namliq mezkur terbiyelesh türi xitayning béyjing sheherlik radiyo-téléwiziye idarisi, eychiyi tor widéyo munbiri, xitay ma'arip tereqqiyat fondining yardimide yolgha qoyulghan.

Melum bolushiche, nöwette xoten wilayitidiki 850 ottura-bashlan'ghuch mektepke "Eychiyi tor widéyo munbiri" ning xitayning "Wetenperwerlik" idiyesi, "Jungxu'a milliti" terbiyesi mezmun qilin'ghan 850 tal "Altun ezaliq kartisi" tarqitip bérilgen. Közetküchilerning tekitlishiche, xitayning xotende yolgha qoyghan mezkur digital terbiyelesh türi Uyghur baliliridiki Uyghur kimlik idiyesini üzül késil yoqitishni meqset qilghan ménge yuyush herikiti bolup, bu rayonda dawam qiliwatqan "Medeniyet qirghinchiliqi" ning parchisi iken.

Shinxu'a agéntliqining ashkarilishiche, mezkur terbiyelesh türi 10-dékabir xotendiki ottura-bashlan'ghuch mektep oqughuchilirigha "Men we méning wetinim" namliq widéyo filimini qoyup bérish bilen bashlan'ghan. Xewerde, "Eychiyi tor widéyo munbiri" ning mu'awin diréktori wang jyawrun, xotendiki yataqliq mekteplerdimu élip bérilidighanliqini bildürgen. Melum bolushiche, bu terbiyelesh türige xotendiki 400 mingdin artuq ottura-bashlan'ghuch mektep oqughuchilirining hemmisi qatnashturulidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet