BBC Muxbiri jon sudwors xitayda hayatiy xewpke uchrighan

Muxbirimiz irade
2021-03-31
Share

En'giliye b b s(CBB) xewerler torining xitayda turushluq muxbiri jon jon sudwors tehditke uchrighan we hayatiy bixeterlikini közlep xitaydin ayrilishqa mejbur bolghan. Xitaydiki chet'ellik muxbirlar kulubi uning tehditke uchrishigha Uyghurlar heqqide ishligen xewerliri seweb bolghanliqini bildürgen.

FCCC Tiwittérda mundaq dégen: "Xitay da'iriliri uningdin shinjang mesilisi we korona wirusige da'ir mesililerni xewer qilghanliqi üchün öch alghandek qilidu".

Jon sudwort "BBC" ning toqquz yildin béri xitayda xizmet qiliwatqan muxbiri bolup, u köp qétim mukapatqa érishken. U yéqinda xitay hökümitining Uyghurlarni mejburiy emgekke séliwatqanliqi heqqide bir tepsili xewer ishlep tarqitip zor ghulghula qozghighan. Eyni chaghda xitay hökümiti CBB'ni qattiq tenqid qilip, uni "Saxta xewer ishlidi" dep eyibligen. Shuning bilen oxshash waqitta jon sudwortqa qaritilghan tehditler küchiyip ketken.

CBBXewerler tori tiwittirdiki ipadiside xitayda turushluq jon sudwort 23-mart küni özi we a'ilisidikilerning bixeterlikini nezerde tutup xitaydin ayrilghanliqi we hazir teywen'ge orunlashqanliqini jakarlighan. CBBYene "Jonning xewerliri xitay da'iriliri dunyaning bilishini xalimaydighan heqiqetlerni ashkarilidi." dégen.

Sudwort parakende qilish we tehdit qilish yoli arqiliq xitaydin ayrilishqa mejbur bolghan tunji chet'el muxbiri emes. Xitaydiki chet'ellik muxbirlar kulubi jonning weqesini xitayning chet'ellik muxbirlarni qorqutush arqiliq ularning xizmitige tosqunluq qilish pilanining bir qismi, bu xitaydiki chet'el muxbirlirigha qaritilghan bésimning yenimu kücheygenlikidin dérek béridu, dégen.

Melum bolushiche, xitay bultur kem dégende 18 chet'ellik muxbirni ünümlük qoghlap chiqarghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet