"уйғур һәрикити" тәшкилати хитайниң б д т кишилик һоқуқ кеңишигә қатнишиш салаһийитини бикар қилишни тәләп қилди

Мухбиримиз әркин
2020-07-10
Share

Америкадики "уйғур һәрикити" тәшкилати б д т ниң хитайниң б д т кишилик һоқуқ кеңишигә қатнишиш салаһийитини дәрһал елип ташлашқа, б д т кишилик һоқуқ кеңишиниң тез һәрикәткә келип, уйғурларға қаритилған бастуруш вә вәһшиликләрләрниң ирқий қирғинчилиққа айлинишидин бурун дәрһал тәдбир қоллинишини тәләп қилған.

Һиндистандики "асия хәлқара хәвәрлири" агентлиқиниң билдүрүшичә, бу чақириқни "уйғур һәрикити" тәшкилатиниң иҗраийә директори рошән аббас мәзкур тәшкилатниң йеқинда елан қилған "шәрқий түркистанда ирқий қирғинчилиқ" намлиқ доклати мунасивити билән оттуриға қойған. 

У "хитай һүкүмитиниң 21-әсирдә уйғур хәлқиғә қиливатқанлирини тәсәввур қилғили болмайду. Хәлқара җәмийәтниң тилға алғушиз бу вәһшиликләр алдидики мулайимлиқи вә һәтта сүкүттә турушини техиму тәсәввур қилғили болмайду. Бу бир ирқий қирғинчилиқ, бу пакитни давамлиқ инкар қилиливатқан һәрқандақ адәмниң чоқум хитайда өз роһини сетишиға сәвәб болған иқтисади мәнпәәти бар" дегән. 

"уйғур һәрикити" тәшкилати доклатида "хитай һөкүмитиниң 1. 1 Милйон хитай кадирини уйғур аилилиригә орунлаштуруп, уларға қарита қизил тәшқиват елип барғанлиқи, уларни назарәт қилғанлиқи, бу җәрянда уларни һарақ ичиш, чошқа гөши йейишкә үндигәнлики, әгәр улар рәт қилса ‹гуманлиқ' дәп қарилип, лагерларға әвәтилгәнлики" ни илгири сүргән. Рошән аббасниң тәкитлишичә, хитайниң "қошмақ туғқан" сиясити "һөкүмәтниң қоллишидики кәң көләмлик басқунчилиқни кәлтүрүп чиқарған" икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт