B d t bash katipi xitayni “Ishenchlik tekshürüsh” ke yol qoyushqa chaqirdi

Muxbirimiz eziz
2022-03-01
Share

Birleshken döletler teshkilati (b d t) ning bash katipi antonyo gottérés b d t kishilik hoquq kéngishining jenwediki 49-nöwetlik mejliside mexsus söz qilip xitay hökümitini “Kishilik hoquq aliy kéngishining xitayni, jümlidin Uyghur diyarini ishenchlik yosunda tekshürüshige yol qoyushi kérek” dégen.

“Asiya xelq'ara xewerliri” ning 1-marttiki xewirige qarighanda mezkur mejlis jeryanida amérika tashqi ishlar ministiri antoni blénkin ependi “Xitay hökümiti hélihem qirghinchiliqni dawam qildurmaqta. Shunga biz shinjangdiki bu mislisiz qirghinchiliqtin izchil endishe qilmaqtimiz” dep körsetken. Shuningdek b d t kishilik hoquq aliy kéngishining re'isi michél bachéléttin Uyghur diyaridiki siyasiy weziyet heqqide teyyarlap chiqqan mexsus doklatni tézdin élan qilishini telep qilghan.

Dunya Uyghur qurultiyi (d u q) ning feysbok (yüzdidar) sehipiside 28-féwralda hembehirlen'gen mezmunlargha asaslan'ghanda, amérika hökümitining bu xil meydanigha awaz qoshush sheklide otturigha chiqqan bayanatlarni en'gliye, daniye, türkiye, chéx qatarliq döletlerning b d t da da'imiy turushluq wekillirimu ayrim-ayrim tekitligen. ‍Ularning sözliride Uyghurlarning weziyiti, lagér mehbuslirining qoyup bérilishi qatarliq mesililer alahide yer alghan.

Melum bolushiche, b d t kishilik hoquq aliy kéngishining re'isi michél bachélétning xitayda hemde Uyghur diyarida cheklimisiz ziyaret bolush mesilisi izchil qatmalliqta turuwatqan bolup, xitay hökümiti bu xil ziyaretni qarshi alidighanliqini köp qétim tekitligen. Emma ularning bu heqtiki türlük tosqunluqliri tüpeylidin bu ziyaret zadila emelge ashmay kelmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet