Xitay b d t da ötküzülüshi pilanlan'ghan Uyghurlar heqqidiki yighinni b d t gha "Haqaret" dep hujum qilghan

Muxbirimiz erkin
2021-05-10
Share

Bu hepte amérika, gérmaniye, ‍en'giliye qatarliq döletlerning sahibxanliqida b d t da ötküzülidighan ‍uyghurlar heqqidiki tor yighini xitayni qattiq bi'aram qilghan. Xitay tashqiy ishlar ministirliqi 10-may küni bayanat élan qilip, bu döletlerge hujum qilghan. Xitay tashqiy ishlar ministirliqining bayanatchisi xu'a chünyingning 10-may künidki axbarat yighinida éytishiche, b d t ni shinjangdiki Uyghur we bashqa az sanliq milletlerning basturulghan'ghanliqi heqqidiki tor yighini üchün sehne qilip ishlitish bu organ'gha qilin'ghan "Haqaret" iken.

Amérika, en'giliye we gérmaniye qatarliq döletler irqiy qirghinchiliqqa uchrawatqan Uyghurlar mesilisi heqqide tor yighini pilanlap, nurghun döletlerni bu yighin'gha qatnishishqa teklip qilghan idi. Roytérs agéntliqining bildürüshiche, xitay d t t gha eza döletlege xet yézip, ularning bu yighin'gha qanashmasliqini telep qilghan. Xitay Uyghurlargha "Irqiy qirghinchiliq" qiliwatqanliqini ret qilsimu, biraq u xelq'ara jem'iyetning Uyghur élida cheklimisiz musteqil tekshürüsh élip bérish teleplirini izchil ret qilip keldi.

Roytérs agéntliqining bildürishiche, xu'a chünying axbarat yighinida "Amérika bir qanche dölet bilen birliship, b d t ning bayliqi we sehnisini süyi'istimal qilmaqta hem öz menpe'eti üchün xitaygha töhmet we hujum qilmaqta," dégen. Uning éytishiche, bu pa'aliyet "B d t gha qilin'ghan haqaret" bolup, 12-may küni ‍ötküzülidighan bu pa'aliyetni uyushturghuchilar kishilik hoquqni siyasiy qoral qilip, xitayning ichkiy ishlirigha arlashmaqta," iken.

Biraq amérika tashqiy ishlar ministiri blinkén buning aldida "Shinjang mesilisi" ning xitayning ichki ‍ishi emesliki, chünki xitayning b d t "Uniwérsal kishilik hoquq edinamisi" gha imza qoyghanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet