B d t kishilik hoquq aliy komissari xitay hökümiti bilen Uyghur diyari ziyariti toghriliq muzakire qilmaqtiken

Muxbirimiz erkin
2020-09-14
Share

B d t kishilik hoquq aliy komissari mishél bachilét 14-séntebir küni jenwede Uyghurlargha tutqan qorqunchluq mu'amilisi seweblik küchlük bésimgha uchrawatqan xitay da'iriliri bilen Uyghur diyari ziyariti heqqide muzakire élip bériwanliqini bildürgen. Lékin u muzakirining konkrét tepsilatini ashkarilimighan. Mishél bachilét ilgiri bir qanche qétim Uyghur diyaridiki lagérlarni tekshürüshni telep qilghan bolsimu, lékin xitay terepning uninggha shert qoshup, musteqil we terepsiz xelq'ara tekshürüsh élip bérishni ret qilishi seweblik uning ziyariti hazirgha qeder emelge ashmighan idi.

Roytérs agéntliqining xewer qilishiche, mishél bachilét b d t kishilik hoquq kéngishining yighida mundaq dégen: "Ishxanam xitay hökümiti bilen Uyghur aptonom rayonining weziyiti we xitayning siyasitining kishilik hoquqqa körsitidighan tesiri heqqide dawamliq sözlishidu." u yene xongkong weziyiti heqqide toxtilip, xongkong da'irilirini "Xitay dölet xewpsizliki qanuni" ning ijra qilinish ehwalini yéqindin közitishke, herqandaq bir selbiy aqiwetke qarita tedbir qollinishqa ilhamlanduridighanliqini bildürgen.

B d t kishilik hoquq kéngishining 42-nöwetlik yighini 9-séntebir bashlan'ghan. Mishél bachilét 14-séntebir küni yighinda échilish nutqi sözlep, dunyaning omumiy kishilik hoquq weziyiti heqqide doklat bergen. B d t kishilik hoquq kéngishi 27-séntebirge qeder dawamlishidighan bu nöwetlik yighinda kishilik hoquq mutexessisliri, guruppiliri we méxanizimlirining doklatlirini közdin köchüridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet