Kishilik hoquqni közitish teshkilati dunya rehberlirini b d t ning Uyghur élida tekshürüsh élip bérishini telep qilishqa chaqirdi

Muxbirimiz erkin
2021-09-17
Share

Kishilik hoquqni közitish teshkilati 17-séntebir bayanat élan qilip, dunya rehberlirini b d t ning Uyghurlar uchrawatqan kishilik hoquq depsendichiliki üstidin tekshürüsh élip bérishini telep qilishqa chaqirghan. Mezkur bayanat b d t gha eza döletler bashliqlirining yilliq yighini nyu-york shehiride bashlinishning harpisida élan qilin'ghan.

Kishilik hoquqni közitish teshkilatining éytishiche, "Dunya rehberliri kishilik hoquq krizislirini hel qilishi, kishilik hoquqni depsende qilghuchilarning jawabkarliqqa tartilidighanliqi toghrisida agahlandurushi'i kérek," iken.

Bayanatta mundaq déyilgen: "Rehberler shinjangdiki Uyghurlargha we bashqa türkiy musulmanlargha qarita yüz bériwatqan we kishilik hoquqni közitish teshkilati teripidin insaniyetke qarshi jinayet, dep békitilgen éghir kishilik hoquq depsendichilikige da'ir bayanlarni tekshürüshke chaqirishi kérek."

Buning aldida, yeni 13-séntebir küni b d t kishilik hoquq aliy komissari mishél bachilét, b d t kishilik hoquq kéngishining 48-nöwetlik yighinining éghilish murasimida söz qilip, xitay hökümiti bilen bolghan shinjangni tekshürüsh söhbitining meghlup bolghanliqi, lékin ‍özlirining toplighan Uyghur éli weziyitige a'it doklatining pütüp qalghanliqini élan qilghan.

Kishilik hoquqni közitish teshkilatining xitay ishliri dériktori sofiy richardsonning éytishiche, mishél bachilétning sözi xitayning xelq'ara tekshürüshtin qéchish urunushining waqti toshqanliqi, héchqandaq bir döletning xelq'ara qanundin üstün emesliki heqqide küchlük signal bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet