B d t emeldari b d t ning Uyghurlar heqqidiki doklatining xitaygha bérilidighanliqini bildürgen

Muxbirimiz erkin
2022-04-29
Share

B d t kishilik hoquq aliy komissari ishxanisining bir emeldari b d t ning teyyarlighan Uyghurlar heqqidiki doklatining xitaygha bérilidighanliqini bildürgen. Amérikadiki “CNS Xewerliri” namliq tor békitining xewer qilishiche, b d t kishilik hoquq aliy komissari ishxanisining bayanatchisi liz trussél 28-aprél doklatning aldi bilen xitaygha körsitilishi kéreklikini éytqan. Xewerde liz trussélning “‍Ishxana teripidin teyyarlan'ghan bashqa doklatlargha ‍oxshash xitay buninggha alaqidar dölet bolush süpitide hökümetning öz qarishini ipadilishi yaki ilgirilep uchur bilen teminlishi üchün doklat uninggha waqtida sunulidu” dégen.

Liz trussél bu sözlerni xelq'ara jem'iyet b d t kishilik hoquq ‍ali komissariyati ishxanisining teyyarlighan Uyghurlar heqqidiki doklatini tézrek élan qilishni telep qiliwatqan bir waqitta éytqan. B d t kishilik hoquq aliy komissari mishél bachélétning ishxanisi ötken yili 11-ayda radiyomizgha bergen uchurida doklatning pütüp bolghanliqini bildürgen, emma qachan élan qilinidighanliqini éytishni ret qilghan. Shuningdin kéyin bachélétning ishxanisi doklatning yéqin arida élan qilinidighanliqini bir qanche qétim tekitligen bolsimu, biraq hazirgha qeder kéchikken.

Bachilét bu yil 3-ayning bashlirida xitay bilen Uyghur élini ziyaret qilish toghrisida kélishim hasil qilghanliqini élan qilip, doklat ziyarettin kéyin élan qilinamdu, dégen so'allarni peyda qilghan idi. “CNS Xewerliri” ning éytishiche, liz trussél bu ziyarette bachilét we kishilik hoquq aliy komissariyati ishxanisining “Xitay da'iriliri bilen birqatar ichki, rayon xaraktérlik we yershari kishilik hoquq mesililiri boyiche di'alogda bolidighanliqi” ni éytqan. Buning aldida amérikaning b d t da turushluq elchisi linda tomas grénfélt bachélétning doklatni élan qilishqa chaqirghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet