B d t yighinida xitayning tenqidke uchrishi texmin qilinmaqta

Birleshken döletler teshkilati (b d t)ning jenwediki bash shtabida 11-séntebirde kishilik hoquq kéngishining sahibxanliqidiki muzakire resmiy bashlandi.

Xitay hökümiti yéqinqi mezgillerde lagérlar we Uyghurlarni basturush mesilisi boyiche xelq'araning küchlük tenqidige duch kéliwatqan bolup, xelq'ara jem'iyet xitayning bu qilmishliri sewebidin birnechche qutupqa bölün'gen idi. Bolupmu xitay hökümiti iqtisadiy wasite arqiliq bir türküm islam döletlirini özining qollighuchilirigha aylanduruwalghachqa, bu qétimqi b d t muzakiriside xitay hökümitining Uyghurlar mesilisi boyiche tenqidke uchrishi oxshimighan shekillerde texmin qilinmaqta.

Bügünki tunji künlük yighin axirlashqanda b d t kishilik hoquq kéngishining re'isi mishél bechélotning Uyghurlar mesilisini téxi tilgha almighanliqi melum boldi.