B d t ning ilgiri Uyghurlarning isimlikini xitaygha teminligenliki ashkarilandi

Muxbirimiz eziz
2019.12.17

Teywende chiqidighan “Erkinlik waqti géziti” ning 16-dékabirdiki xewiride éytilishiche, birleshken döletler teshkilati (b d t) ning sabiq xadimliridin émma rélliy b d t qarmiqidiki kishilik hoquq aliy kéngishi (OHCHR) ning 2013-yilidin buyan b d t yighinigha qatnishidighan Uyghur we tibet wekillirining isimlikini xitay hökümitige yollap bérip kéliwatqanliqini pash qilghan.

“Forbés xewerliri” ning 15-künidiki bayanlirida éytilishiche, émma bu sözlerni amérikaning bir qisim palata ezaliri bilen bolghan söhbette éytqan hemde buni “B d t ning xitaygha xushamet qilishi” dep körsetken. U bu mesilini köp qétim b d t ning munasiwetlik orunlirigha melum qilghan shundaqla bu heqte amérika hökümitige bir parche shikayet xéti yazghan bolup, uningda kishilik hoquq aliy kéngishining xitay hökümiti “Düshmen” dep qaraydighan kishilerning b d t yighinigha qatnishish ehwali, waqti qatarliq uchurlarni yighindin burun xitay hökümitige yollap bérip kelgenlikini éytqan.

B d t kishilik hoquq aliy kéngishi émmaning éytqanlirini qet'iy ret qilghan hemde özlirining bundaq uchurlarni héchkimge ashkarilimaydighanliqini bildürgen. Halbuki, chet'ellerdiki Uyghur pa'aliyetchilerdin dolqun eysa birnechche qétim mushu xildiki xelq'ara pa'aliyetlerde her xil cheklimilerge uchrighan bolup, uning söz qilish hoquqi ushtumtutla bikar qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.