Béyjing shehiride éghir derijide hawa bulghinish ehwali körülgen

Muxbirimiz qutlan
2016.10.15
Share on WhatsApp
Share on WhatsApp


Igilinishiche, xitay paytexti béyjingda yéqinqi birqanche kündin buyan éghir derijidiki hawa bulghinish ehwali körülmektiken.

Xitay axbarat torining 14 - öktebirdiki xewirige qarighanda, béyjing shehiri we xitayning shimaliy rayonliri nachar hawa shara'itining tesirge uchrap, hawadiki bulghanma maddilar üzlüksiz köpeygen.

Hawarayidin aldin bérilgen melumatqa asaslan'ghanda, kelgüsi ikki kün ichide béyjing shehirining hawa süpiti yenila éghir derijidiki bulghinish halitide turidiken.

Béyjing sheherlik hawa süpitining éghir bulghinishigha taqabil turush qomandanliq merkizi 14 - öktebir chüshtin kéyin, eslidiki kök renglik agahlandurush signalini sériq renglik agahlandurush signaligha özgertkenliki melum.

Béyjing sheherlik muhit asrash idarisi munasiwetlik tarmaqlardin qurulush ornidiki chang - tozanni kontrol qilishni, pütün sheherde topa - shéghil qurulushi we kona qurulushlarni chéqish qatarliqlarni toxtitishni telep qilghan.

Melum bolushiche, xitay paytexti béyjing yéqinqi onnechche yildin buyan xitayda körüliwatqan nachar hawarayining biwasite tesirige uchrimaqtiken. Bolupmu her yilining etiyaz we küz künliride béyjing shehiri mongghol égizlikidin kélidighan qum - boranliq hawarayining éghir tesirige uchrap, bezi waqitlarda bir qanche métir aldidiki yolnimu körgili bolmaydiken.

Muhit analizchiliri béyjing shehirige her yili tesir körsitidighan qum boranliq hawarayining sewebini mongghol yaylaqliri bilen tarim oymanliqidiki muhitning buzulishidin kélip chiqqan nachar hawarayi bilen munasiwetlik dep qarimaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.