Америка дөләт ахбарат оргининиң сабиқ баш назарәтчиси олимпик мусабиқисини хитайдин йөткәшкә чақирған

Мухбиримиз җәвлан
2021-08-04
Share

Токйо шәһиридә язлиқ олимпик мусабиқиси өткүзүлүватқан бу күнләрдә, америка, әнглийә қатарлиқ дөләтләрдики сиясәтчиләр вә һәр саһә затлириниң 2022-йиллиқ бейҗиң қишлиқ олимпик мусабиқисини хитайдин башқа җайға йөткәш тәләплири барғансери күчәймәктә.

“ню-йорк почтиси” ниң хәвәр қилишичә, америка дөләт ахбарат оргининиң сабиқ баш назарәтчиси җон раткилиф келәр йил 2-айда хитайда өткүзүлүш пиланланған қишлиқ олимпик мусабиқисини башқа җайға йөткәшкә чақирған. У корона вирусиниң ямришиға сәвәб болған вә униң мәнбәсини тәкшүрүшкә тосқунлуқ қиливатқан хитайдәк бир дөләтниң тинчлиқ, достлуқ вә сағламлиқни баш тема қилған олимпик мусабиқисидәк хәлқара паалийәтни өткүзүш салаһийити йоқлуқини билдүргән. У мундақ дегән: “дуня, шундақла хәлқара олимпик комитети корона вирусини ениқлаш мәсилисидә очуқ болмиған вә уни ениқлашни рәт қилған хитай һөкүмитиниң бу чоң хәлқаралиқ паалийәткә саһибханилиқ қилишиға йол қоймаслиқи керәк”.

У йәнә, бу мусабиқини өткүзүш пурсити хитайға берилгән тәқдирдә, хәлқара олимпик комитетиниң образиға еғир тәсир йетидиғанлиқини билдүргән. У мундақ дегән: “хәлқара олимпик тәнһәрикәт мусабиқисиниң достлуқ, пәзиләт, һөрмәт, батурлуқ, ирадә, илһам, баравәрлик қатарлиқ 7 түрлүк қиммәт қариши бар. Хитай коммунстлириниң вирус мәнбәсини йошуруши уларниң дуня хәлқиниң дости әмәсликини йәнә бир қетим испатлайду. Улар һәқиқәтни йошурушқа урунғандин башқа йәнә, һечқачан алға интилиш ирадисини намаян қилип бақмиди. Улар корона вирусиниң зиянкәшликигә учриған милйонлиған инсанларға һөрмәтсизлик қилишни давам қилмақта, шундақла уларниң қилмишлириға батурлуқ билән қарши чиқалайдиғанларға зәрбә беришкә урунмақта”.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт