Amérika dölet axbarat orginining sabiq bash nazaretchisi olimpik musabiqisini xitaydin yötkeshke chaqirghan

Muxbirimiz jewlan
2021-08-04
Share

Tokyo shehiride yazliq olimpik musabiqisi ötküzülüwatqan bu künlerde, amérika, en'gliye qatarliq döletlerdiki siyasetchiler we her sahe zatlirining 2022-yilliq béyjing qishliq olimpik musabiqisini xitaydin bashqa jaygha yötkesh telepliri barghanséri kücheymekte.

"Nyu-york pochtisi" ning xewer qilishiche, amérika dölet axbarat orginining sabiq bash nazaretchisi jon ratkilif kéler yil 2-ayda xitayda ötküzülüsh pilanlan'ghan qishliq olimpik musabiqisini bashqa jaygha yötkeshke chaqirghan. U korona wirusining yamrishigha seweb bolghan we uning menbesini tekshürüshke tosqunluq qiliwatqan xitaydek bir döletning tinchliq, dostluq we saghlamliqni bash téma qilghan olimpik musabiqisidek xelq'ara pa'aliyetni ötküzüsh salahiyiti yoqluqini bildürgen. U mundaq dégen: "Dunya, shundaqla xelq'ara olimpik komitéti korona wirusini éniqlash mesiliside ochuq bolmighan we uni éniqlashni ret qilghan xitay hökümitining bu chong xelq'araliq pa'aliyetke sahibxaniliq qilishigha yol qoymasliqi kérek".

U yene, bu musabiqini ötküzüsh pursiti xitaygha bérilgen teqdirde, xelq'ara olimpik komitétining obrazigha éghir tesir yétidighanliqini bildürgen. U mundaq dégen: "Xelq'ara olimpik tenheriket musabiqisining dostluq, pezilet, hörmet, baturluq, irade, ilham, barawerlik qatarliq 7 türlük qimmet qarishi bar. Xitay kommunstlirining wirus menbesini yoshurushi ularning dunya xelqining dosti emeslikini yene bir qétim ispatlaydu. Ular heqiqetni yoshurushqa urun'ghandin bashqa yene, héchqachan algha intilish iradisini namayan qilip baqmidi. Ular korona wirusining ziyankeshlikige uchrighan milyonlighan insanlargha hörmetsizlik qilishni dawam qilmaqta, shundaqla ularning qilmishlirigha baturluq bilen qarshi chiqalaydighanlargha zerbe bérishke urunmaqta".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet