Chet'el taratquliri béyjing qishliq olimpik musabiqisini tarqitish pilanliridin waz kéchishke chaqirildi

Muxbirimiz erkin
2021-09-08
Share

Xelq'ara kishilik hoquq teshkilatliri ochuq xet élan qilip, amérikaning NBC torini öz ichige alghan chet'el taratqulirini Uyghurlar teripidin "Irqiy qirghinchiliq olimpiki" dep atalghan béyjing qishliq olimpik musabiqisini tarqitish pilanidin waz kéchishke chaqirghan.

Uyghur, xongkong, tibetlerni ‍öz ichige alghan dunyadiki 200 din artuq teshkilat birliship élan qilghan bu chaqiriq béyjing qishliq olimpikigha 6 aydek waqit qalghan shundaqla tokyu yazliq olimpiki bilen tokyo méyipler olimpikining arqisidinla élan qilin'ghan.

Birleshme agéntliqining xewer qilishiche, ‍ochuq xet xelq'aradiki 26 axbarat guruhigha yézilghan bolup, uning bir nusxisi 7-séntebir NBC ning ijra'iye diréktori jef shélghimu ewetilgen. NBC Kelgüsidiki 6 qétimliq olimpik musabiqisining tarqitish hoquqi üchün 7 milyard 750 milyon dollar töligen bolup, u xelq'ara olimpik komitétining eng yéqin shériklirining biridur. Melum bolushiche, bu pul xelq'ara olimpik komitéti omumi kirimining 40 pirsentini dégüdek teshkil qilidiken.

Ochuq xette: "Siler barliq shirketler xitayning éghir we dawamliq yamanlishiwatqan kishilik hoquq depsendichilikini tenterbiye arqiliq yuyush pilanigha shérik bolush we xitay da'irilirining herikitige ilham bérish xewpige duch kelmekte…. . Silerning shirketliringlar 2022-yilliq béyjing qishliq olimpikini tarqitishi arqiliq bu depsendichilikni qanunlashturidu we irqiy qirghinchiliq musabiqisi, dep qaralghan bu oyun'gha türtke bolidu" déyilgen.

Bu ochuq xetke Uyghurlardin dunya Uyghur qurultiyi, Uyghur herikiti qatarliq teshkilatlar imza qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet