Әнгилийә авам палата рәһбири: "бейҗиң қишлиқ олимпик мусабиқисигә техи бирму беләт закас қилмидуқ"

Мухбиримиз ирадә
2021-11-25
Share

25-Ноябир күни әнгилийә парламентниң авам палата рәһбири җакоб рес-мог парламент әзалириға қилған сөзидә: "2-айда өткүзүлидиған бейҗиң қишлиқ олимпик мусабиқисигә техи бирму беләт заказ қилинмиди," дегән.

Униң бу сөзи әнглийәдики "хитай мәсилиси бойичә парламентлар ара һәмкарлиқ гурупписи" тәрипидин әнгилийәниң бейҗиң қишлиқ олимпикини бойқут қилидиғанлиқиниң ишарити, дәп қаралди. юқириқи бу гуруппаниң әзаси вә әнгилийә парламент әзаси нусрәт ғәни ханим тивиттерда қилған сөзидә буни "зор қәдәм" дәп тәбриклигән.

Гәрчә һазирғичә әнгилийә боррис җонсон һөкүмити буни техи рәсмий йосунда дәлиллимигән болсиму, әнглийә һөкүмити илгири өзлириниң буни ойлишиватқанлиқини билдүргән иди.

"форбес" гезитиниң хәвәр қилишичә, нөвәттә хитай һөкүмитиниң уйғурларға қаритиливатқан ирқий қирғинчилиқи вә башқа кишилик һоқуқ дәпсәндичилик сиясәтлири түпәйлидин бейҗиң қишлиқ олимпик мусабиқисини депломатик бойқут қилишни ойлишиватқан дөләтләрниң сани көпийиватқан болуп, улар америка, австралийә, канада, әнгилийә вә литва қатарлиқларни өз ичигә алидикән.

Әнгилийә парламентниң авам палата рәһбири рес-мог әпәнди бүгүн авам палатасида қилған сөзидә йәнә мундақ дегән: "һөкүмитимиз уйғурларға қаритиливатқан кишилик һоқуқ дәпсәндичилики, хоңкоңда йүз бериватқанларниң хитай һөкүмити алдинқи әсирниң 80-йиллирида қол қойған бирләшмә хитабнамигә хилаплиқи һәққидә наһайити ениқ позитсийә билдүрди. Уйғурларла әмәс, бәлки тибәттә йүз бәргән ишларму бу палатада даим оттуриға қоюлди. Биз хитай коммунист һөкүмитиниң әхлақий мәҗбурийитини даим сәмигә селип туримиз."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт