En'giliye awam palata rehbiri: “Béyjing qishliq olimpik musabiqisige téxi birmu bélet zakas qilmiduq”

Muxbirimiz irade
2021-11-25
Share

25-Noyabir küni en'giliye parlaméntning awam palata rehbiri jakob rés-mog parlamént ezalirigha qilghan sözide: “2-Ayda ötküzülidighan béyjing qishliq olimpik musabiqisige téxi birmu bélet zakaz qilinmidi,” dégen.

Uning bu sözi en'gliyediki “Xitay mesilisi boyiche parlaméntlar ara hemkarliq guruppisi” teripidin en'giliyening béyjing qishliq olimpikini boyqut qilidighanliqining ishariti, dep qaraldi. Yuqiriqi bu guruppaning ezasi we en'giliye parlamént ezasi nusret gheni xanim tiwittérda qilghan sözide buni “Zor qedem” dep tebrikligen.

Gerche hazirghiche en'giliye borris jonson hökümiti buni téxi resmiy yosunda delillimigen bolsimu, en'gliye hökümiti ilgiri özlirining buni oylishiwatqanliqini bildürgen idi.

“Forbés” gézitining xewer qilishiche, nöwette xitay hökümitining Uyghurlargha qaritiliwatqan irqiy qirghinchiliqi we bashqa kishilik hoquq depsendichilik siyasetliri tüpeylidin béyjing qishliq olimpik musabiqisini déplomatik boyqut qilishni oylishiwatqan döletlerning sani köpiyiwatqan bolup, ular amérika, awstraliye, kanada, en'giliye we litwa qatarliqlarni öz ichige alidiken.

En'giliye parlaméntning awam palata rehbiri rés-mog ependi bügün awam palatasida qilghan sözide yene mundaq dégen: “Hökümitimiz Uyghurlargha qaritiliwatqan kishilik hoquq depsendichiliki, xongkongda yüz bériwatqanlarning xitay hökümiti aldinqi esirning 80-yillirida qol qoyghan birleshme xitabnamige xilapliqi heqqide nahayiti éniq pozitsiye bildürdi. Uyghurlarla emes, belki tibette yüz bergen ishlarmu bu palatada da'im otturigha qoyuldi. Biz xitay kommunist hökümitining exlaqiy mejburiyitini da'im semige sélip turimiz.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet