Америка кеңәш палата әзаси там каттон байден һөкүмитини бейҗиң қишлиқ олимпикини омумиййүзлүк байқут қилишқа чақирған

Мухбиримиз әркин
2021.11.29

Америка кеңәш палата әзаси там каттон ахбарат елан қилип, 2022-йиллиқ бейҗиң қишлиқ олимпик мусабиқисини омумиййүзлүк байқут қилишқа чақирған. У байден һөкүмитиниң бейҗиң қишлиқ олимпикиға дипломатик байқут елан қилиш пикирини тәнқидләп, дипломатик байқутниң “бу ирқий қирғинчилиқ олимпикиға бир мәдәний дөләт қайтуридиған әң аҗиз инкас” икәнликини билдүргән. Униң тәкитлишичә, америка һөкүмити бейҗиң қишлиқ олимпикини омумиййүзлүк байқут қилиши, йәни уни тәнһәркәтчиләр, һөкүмәт әмәлдарлири вә һөддигәр ширкәтләрму байқут қилиши керәк икән.

Там каттонниң баянати ақсарай байден һөкүмитиниң келәр йили 2-айдики бейҗиң қишлиқ олимпикини дипломатик байқут қилип, униңға америка һөкүмәт әмәлдарлириниң қатнишишини чәкләшни ойлишиватқанлиқини ейтқан бир вақитта елан қилинған. Там каттон мундақ дигән: “мән бүгүн байден һөкүмитини бейҗиң қишлиқ олимпикини омумиййүзлүк байқут қилишқа, тәнһәркәтчиләрни, һөкүмәт әмәлдарлирини, һөддигәр ширкәтләрниму қатнашмаслиққа чақиримән.”

Там каттонниң ейтишичә, у бу чақириқни оттуриға қоюшта 2 нуқтини чиқиш қилған икән. У буниң бири, америка тәнһәркәтчилириниң бихәтәрликигә мунасивәтлик икәнлики, уларни хитайниң назарити, DNA паракәндичилики вә гөрүгә тутувелишидин қандақ сақлаш икәнликини билдүргән. Униң ейтишичә, 2-нуқта хитайниң америка вә мәдиний дуняға, шундақла өз хәлқигә қарита садир қилған җинайити икән. У хитайниң йүзмиңлиған аз санлиқ милләт кишилирини лагерларғаға қамап, “етник тазлашниң бир хил шәкли болған қул әмгикигә селиватқанлиқи, аяллириға кәң көләмлик басқунчилиқ қиливатқанлиқи вә туғмас қиливатқанлиқи, өктичиләр, етник вә диний аз санлиқларниң ичкий әзалирини көчүриватқанлиқи” ни ейтқан.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.