Бейҗиңдики сақчи музейида “сақчи дөлити” хитайниң қараңғу тәрәплири көрситилгән

“иқтисад” тори 15-феврал күни елан қилған бир хәвәрдә, хитайдики сақчи музейиниң әһвали, шундақла коммунист хитай сақчи органлириниң хитайдики өктичиләрни, охшимиған пикир еқимидикиләрни кәң даирилик тәқиб-назарәт усулида бастуридиғанлиқи баян қилинған.

Хәвәрдә ейтилишичә, бейҗиңниң тйәнәнмен мәйданиға йеқин қәдимий бир бинада  қурулған сақчи музейида, хитайниң “җинайәтчиләргә зәрбә бериш қәһриманлири” ниң иш-излири тонуштурулған болуп, уларға аит хатирә буюмлири билән бирликтә, хитай сақчилири ишлитидиған зораванлиқ қораллиридин тартип, сиясий бастурушқа қатнашқан сақчиларниң, җүмлидин пуқрачә кийинип намайишчи оқуғучиларни қолға   алған сақчиларниң сүрәтлири көргәзмигә қоюлған.

Хәвәрдә мундақ дейилгән: “хитайда гәрчә сабиқ совет иттипақи дәвридики к г б ға тәң келидиған бир орун болмисиму, һәрбий әмәлдарларниң контроллуқида вәзипә өтәйдиған сақчи органлири бар. К г б ни аңлиса москва хәлқиниң тени шүркиниду. Хитайда гәрчә к г б болмисиму, хитай компартийәсигә қарши чиқидиған һәрикәтләр наһайити аз. Буниңдики сәвәб, хитай аллиқачан тарихтики әң чоң назарәт дөлитини қуруп чиққан”.