2000 Gha yéqin erzdar béyjing erziyet idarisini qorshiwaldi

Muxbirimiz méhriban
2015-07-31
Élxet
Pikir
Share
Print


Radiyomizgha kelgen inkaslardin melum bolushiche, 31 - iyul jüme küni xitayning herqaysi jayliridin kelgen 2000 gha yéqin erzdar béyjing erziyet idarisini qorshiwalghan. Saqchilar shangxeydin kelgen bir ayal erzdarning bélige partlatquch téngip, qoligha bénzin botulkisi éliwalghinini bayqighandin kéyin, zor türkümde saqchilar we saqchi aptomobillirini ewetip tutqun qilishni bashlighan. Melum bolushiche, saqchilar shangxeydin kelgen 400din artuq erzdarni asasliq tutqun nishani qilghan.

Neq meydandiki erzdarlardin radiyomiz ziyaritini qobul qilghan lyu xu'a ependi erziyet idarisi aldidiki ehwalni bayan qilip, "Tünügün 30 - iyul kéche sa'et 9 lardila 20 nechche saqchi aptomobili bu yerge yétip keldi. Ular erzdarlar yighilishtin ilgirila erziyet idarisi aldidiki kochilarnimu qorshiwaldi. Bügün jüme küni etigen shangxeylik ayal erzdarning yénidin partlatquch bomba tépilghandin kéyin, yene 60tin artuq saqchi aptomobili we saqchilar keldi. Ular hazir shangxeylik erzdarlarni körsila tutqun qilmaqta" dédi.

Melum bolushiche, yéqinqi birqanche yildin buyan her ayning eng axiriqi jüme küni herqaysi jaylardin kelgen erzdarlar béyjingdiki erziyet idarisi we merkizi intizam tekshürüsh ishxanisi aldigha yighilip, erzlirini jama'etke sözlep, téximu köp kishilerning hésdashliqini qozghashqa urun'ghan. Ilgiri radiyomizning ziyaritini qobul qilghan béyjingdiki Uyghur erzdarlirimu xitay erzdarliri bilen birlikte bu meydan'gha yighilghanliqini we öz ehwallirini bu meydan'gha kelgen chet'ellik muxbirlargha éytqanliqini bildürgen idi.

Toluq bet