Bélgiye hökümet torini teminligüchi shirket keng kölemlik tor hujumigha uchrighan

Muxbirimiz jewlan
2021-05-04
Share

Bélgiye taratqulirining xewer qilishiche, yéqinda bélgiye hökümet torini teminligüchi shirket keng da'irilik DDoS (tarqaq shekillik tor mulazimitini ret qilish) hujumigha uchrighan bolup, shu sewebtin barliq ispat anglash yighinliri bikar qilin'ghan. Buning ichide xitayning jinayetlirini "Irqiy qirghinchiliq" dep békitish toghruluq élip bérilidighan ispat anglash yighinimu bar iken.

Xewerde éytilishiche, bu tor hujumi Belnet torigha qilin'ghan keng kölemlik xakkérliq hujumi bolup, üchinchi terep bu torgha zor miqdarda sanliq melumatlarni yollap, mulazimétir yükining heddidin artuq éship kétishi we shu sewebtin torning palech halgha chüshüp qélishini keltürüp chiqarghan. Netijide Belnet torigha ulan'ghan 200 nechche organning tori nahayiti astilap ketken, hetta kirgili bolmighan. Buning ichide memuriyet, uniwérsitét we tetqiqat organlirining tori bar iken. Nöwette bu hujumning sewebi téxi éniq emes iken.

Ishenchlik xewer menbelirige qarighanda, bu tor hujumi tüpeylidin kéler seyshenbe küni chüshtin kéyin bélgiye awam palatasida ötküzülidighan yighin bikar qilin'ghan. Bu yighin mezkur parlamént tashqiy munasiwet komitétining Uyghurlargha munasiwetlik ispat anglash yighini bolup, xitayning Uyghurlargha yürgüzüwatqan jinayetlirini "Irqiy qirghinchiliq" dep békitish heqqide muzakire élip bérilidiken. Korona wirusi tüpeylidin bu yighin torda élip bérilidighan bolghachqa, parlamént ezalirining kéler seyshenbe küni tor arqiliq körüshüshi tosqunluqqa uchrighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet