Белгийә парламенти "уйғур қирғинчилиқи" ни рәсмий етирап қилди

Мухбиримиз әзиз
2021-06-15
Share
Белгийә парламенти Белгийә парламенти алдиға есилған белгийә байриқи. 2016-Йили 24-март, бирюссел.
REUTERS

Уйғур дияридики сиясий бастуруш вә зор көләмлик тутқунниң ирқий қирғинчилиққа көтүрүлгәнлики дәсләпки қәдәмдә етирап қилинишқа башлиғандин буян белгийә парламентиму буниңға рәсмий аваз қошти. 15-Июн күни белгийә парламенти мутләқ үстүн аваз билән уйғурларниң дуч келиватқан реаллиқниң "инсанийәткә қарши җинайәт" һәмдә "еғир қирғинчилиқ" икәнликини етирап қилип, "уйғур қирғинчилиқи" ни рәсмий етирап қилған дунядики алтинчи парламент болуп қалди.

Мәзкур етирап һәрикити өз нөвитидә йәнә белгийә парламентини хитай билән имзалиған "җинайәтчиләрни өткүзүп бериш келишими" ни бикар қилишқа һәмдә аллиқачан тоңлитиветилгән "явропа-хитай өзара мәбләғ селиш келишими" ни қайта қарап чиқиш урунушини тохтитишқа чақирди.

"фирансийә бирләшмә агентлиқи" ниң 15-июндики хәвиридә ейтилишичә, бу қетимқи аваз бериш лагер шаһити қәлбинур сидиқ белгийә парламентиға қарашлиқ ташқи ишлар комитетиниң гуваһлиқ йиғинида лагерлар һәққидә гуваһлиқ бәргәндин кейинла башланған. Белгийә парламентиниң "уйғур қирғинчилиқи" ни етирап қилишидин кейин һәрқайси тәшкилатлар вә һөкүмәтләр буниңға охшимиған шәкилдә инкас қайтурған. Дуня уйғур қурултийиниң рәиси долқун әйса бу қарарни қизғин алқишлайдиғанлиқини билдүрүп: "бу һал явропа иттипақиға әза башқа дөләтләрниңму бу һәққаний һәрикәткә аваз қошушиға җанлиқ рәвиштә түрткә болғуси" дегән.

Белгийә парламентиниң әзалиридин самуел коголати бу һәқтә сөз қилип; "дуня әмди хитай һөкүмитиниң уйғурларға немиләрни қиливатқанлиқи һәққидә аста-аста уйқусини ечишқа башлиди" дегән.

Өткән һәптә чех парламенти 0 гә қарши 38 аваз билән "уйғурлар ирқий қирғинчилиққа учраватиду. Бу инсанийәткә қарши җинайәт" дегән тарихий һөкүмни мақуллиғаниди. Нөвәттә техиму көп дөләтләрниң бу хилдики қарарларни елиши үмид қилинмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт