Белгийә парламентиниң хитайниң уйғурларға йүргүзиватқан ирқий қирғинчилиқини етирап қилиши хитай һөкүмитиниң оғисини қайнатқан

Мухбиримиз җәвлан
2021-06-16
Share

15-Июн күни белгийә парламенти хитай һөкүмитиниң уйғурларға елип барған қәбиһ бастурушини "инсанийәткә қарши җинайәт" дәп бекитти, шуниң билән белгийә бу ирқий қирғинчилиқни етирап қилған америка, канада, голландийә, әнгилийә, литва вә чех җумһурийәтлиридин кейинки 7-дөләт болуп қалди. Хитай һөкүмити қайси дөләт бу ирқий қирғинчилиқни етирап қилса шуниңға һуҗум қилишни давам қилип келиватқан болуп, қетим тиғ учини белигийәгә қаратқан.

Франсийә агентлиқиниң хәвәр қилишичә, хитай ташқий ишлар министирлиқиниң баянатчиси җав лиҗйән белгийә парламентиниң бу қарарини йәнила хитайниң қелиплишип қалған дипломатик тили бойичә "шинҗаңниң җәмийәт муқимлиқиға бузғунчилиқ қилғанлиқ, хитайниң тәрәққиятиға тосқунлуқ қилғанлиқ" дәп әйиблигән.

Белгийә парламент әзаси самуел коголати хитайниң уйғурларға йүргүзүп келиватқан җинайитини қаттиқ әйибләп, уни ирқий қирғинчилиқ дәп бекитиш тәклипини белгийә парламентиға сунған муһим шәхстур. У бу қетим у җав лиҗйәнниң асаслиқ һуҗум нишаниға айланған, җавлиҗийән уни "ялған вә сахта учурларни яман ғәрәздә тарқитип, хитайниң игилик һоқуқи вә мәнпәәтини еғир зиянға учратти," дәп қарилиған һәмдә уни "белгийә билән хитайниң мунасивәтлиригә зиянкәшлик қилмаслиқ" һәққидә агаһландурған.

Тәһлилчиләрниң қаришичә, белгийә парламентиниң бу қарари "7 дөләт иттипақи" рәһбәрлири учришишидин кейинки вақитқа тоғра кәлгән болуп, мәзкур иттипақниң бирләшмә баянат елан қилип хитайни кишилик һоқуқ вә әркинликкә, болупму уйғур районидики кишилик һоқуқ вә әркинликкә һөрмәт қилишқа чақириқ қилиши хитайни сарасимигә салған болса, арқидинла явропаниң сиясий мәркәзлиридин бири болған белгийәниң бу қарарни чиқириши хитайниң техиму оғисини қайнатқан. Хитайниң белгийә парламентиниң бу қарарини әйиблишини мәлум җәһәттин "7дөләт иттипақи" ниң бирләшмә баянатиға қаритилған дейишкиму болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт