Белгийә һөкүмити ғайиб болған уйғурларниң виза ишлириға баш қатуруватқанлиқини ейтти

Мухбиримиз әзиз
2019-06-20
Share

Белгийәниң бейҗиңдики баш әлчиханисидин мәҗбурий чиқириветилгән бир аилә 5 уйғур ғайиб болғандин кейин хәлқарадики һәрқайси ахбарат вастилирида бу һәқтә көпләп хәвәрләр берилди. Шундақла белгийә һөкүмитигә хәлқара җәмийәттин зор бесим болуватқанлиқи мәлум.

Фирансийә хәвәр агентлиқи 20-июн күни бу һәқтә хәвәр берип, 20-июн күни белгийә әлчиханисиниң хадимлири үрүмчигә берип, ғайиб болуп кәткән уйғурларниң из-дерикини қилидиғанлиқини билдүрди. Һазир белгийәдә яшаватқан аблимит турсунниң ейтишичә, униң аяли вә төт пәрзәнти белгийә әлчиханисидин чиқириветилгәндин кейин хитай сақчилири уларни үрүмчигә елип кәткән. Шуниңдин буян уларниң һечқандақ хәвири болмиған.

Хәвәрдин мәлум болушичә, белгийә ташқи ишлар министирлиқи ғайиб болуп кәткән уйғурларниң нәдиликини ениқлап чиққан. Уларниң баянатчиси бу һәқтә сөз қилип "паалийитимизниң нишани өзгәрди. Биз һазир уларниң кәм болуватқан һөҗҗәтлирини толуқлаш ишлирини қиливатимиз," дегән.

Мушу қетимлиқ вәқәдин кейин белгийәниң бейҗиңдики әлчиханиси хәлқараниң күчлүк тәнқидигә дуч кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт