Bélgiye hökümiti ghayib bolghan Uyghurlarning wiza ishlirigha bash qaturuwatqanliqini éytti

Muxbirimiz eziz
2019-06-20
Share

Bélgiyening béyjingdiki bash elchixanisidin mejburiy chiqiriwétilgen bir a'ile 5 Uyghur ghayib bolghandin kéyin xelq'aradiki herqaysi axbarat wastilirida bu heqte köplep xewerler bérildi. Shundaqla bélgiye hökümitige xelq'ara jem'iyettin zor bésim boluwatqanliqi melum.

Firansiye xewer agéntliqi 20-iyun küni bu heqte xewer bérip, 20-iyun küni bélgiye elchixanisining xadimliri ürümchige bérip, ghayib bolup ketken Uyghurlarning iz-dérikini qilidighanliqini bildürdi. Hazir bélgiyede yashawatqan ablimit tursunning éytishiche, uning ayali we töt perzenti bélgiye elchixanisidin chiqiriwétilgendin kéyin xitay saqchiliri ularni ürümchige élip ketken. Shuningdin buyan ularning héchqandaq xewiri bolmighan.

Xewerdin melum bolushiche, bélgiye tashqi ishlar ministirliqi ghayib bolup ketken Uyghurlarning nedilikini éniqlap chiqqan. Ularning bayanatchisi bu heqte söz qilip "Pa'aliyitimizning nishani özgerdi. Biz hazir ularning kem boluwatqan höjjetlirini toluqlash ishlirini qiliwatimiz," dégen.

Mushu qétimliq weqedin kéyin bélgiyening béyjingdiki elchixanisi xelq'araning küchlük tenqidige duch kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet