Jow baydén “Rusiye G-20 döletliri gewdisidin chiqiriwétilishi kérek” dégen

Muxbirimiz irade
2022-03-24
Share

24-Mart küni amérika prézidénti jow baydén shimaliy atlantik ehdi teshkilati (NATO) döletliri bashliqlirining ukra'ina weziytige alaqidar jiddiy yighinigha qatnashqan. Prézidént jow baydén sözide: “Eger rusiye ukra'inada keng kölemlik qirghuchi qoral ishletse, shimaliy atlantik ehdi teshkilati buninggha teng qedemde jawab qayturidu,” dep agahlandurghan.

Jow baydén béryussélda yawropa ittipaqi, G-7 döletliri rehberliri we shimaliy atlantik ehdi teshkilatidiki ittipaqdashliri bilen bir qatar jiddiy uchrishishlarda bolghan.

Roytérs agéntliqining xewer qilishiche, u bu uchrishishlarda qilghan sözide, rusiyening G-20 döletliri iqtisadiy gewdisidin qoghlap chiqirilishi kéreklikini we bu tirishchanliqni qollaydighanliqini bildürgen. Biraq amérikaning meydani rusiyening G-20 din chiqiriwétilishige qarshi bolghan xitaygha bésim peyda qilidiken.

Jow baydén shu küni muxbirlarning xitayning rusiyege yardem qilghanliqi we amérikaning yuqiri téxnikaliq üskünilirini rusiyege sétiwetkenlikige a'it pakit bar-yoqluqi heqqidiki so'aligha jawab bermigen.

Baydén sözide: “Méningche, xitay özining iqtisadiy kelgüsining rusiyege qarighanda gherb bilen téximu qoyuqliqini chüshinidu,” dégen.

Melum bolushiche, bu uchrishishlarda rusiyening ximiyelik qoral ishlitish éhtimaligha qarshi tedbirler belgilen'gen bolup, NATO ning bash sékrétari jéns stolténbérg (Jens Stoltenberg) muxbirlargha qilghan sözide: “Shimaliy atlantik ehdi teshkilati yéqinda ukra'inani ximiyelik, bi'ologiyelik, radi'ologiyelik, shundaqla yadro qoralliridin mudapiyelinish üsküniliri bilen teminleydu,” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet