جوۋ بايدېن ب د ت قۇرۇلتىيىدا ئۇيغۇرلار مەسىلىسىنى تىلغا ئالدى

مۇخبىرىمىز ئەزىز
2022.09.21
Share on WhatsApp
Share on WhatsApp
جوۋ بايدېن ب د ت قۇرۇلتىيىدا ئۇيغۇرلار مەسىلىسىنى تىلغا ئالدى بىرلەشكەن دۆلەتلەر تەشكىلاتى 2022-يىللىق قۇرۇلتەيىنىڭ 77-يىغىنىدا ئامېرىكا پرېزىدېنتى جوۋ بايدېن سۆز قىلماقتا. 2022-يىلى 21-سېنتەبىر، نيۇ يورك.
whitehouse.gov

بىرلەشكەن دۆلەتلەر تەشكىلاتى (ب د ت) نىڭ نيۇ-يوركتىكى باش شتابىدا داۋام قىلىۋاتقان 2022-يىللىق قۇرۇلتايغا قاتناشقان ئامېرىكا پرېزىدېنتى جوۋ بايدېن خىتاي ھۆكۈمىتىنى تەنقىدلەپ، ئۇيغۇرلار مەسىلىسىنى يەنە بىر قېتىم ئالاھىدە تىلغا ئالدى.

«ۋاشىنگتون پوچتىسى» نىڭ 21-سېنتەبىردىكى خەۋىرىدە ئېيتىلىشىچە، پرېزىدېنت جوۋ بايدېن 21-سېنتەبىر كۈنى قۇرۇلتايدا مەخسۇس نۇتۇق سۆزلىگەن. ئۇ ئۆز نۇتقىدا رۇسىيەنىڭ ئۇكرائىناغا تاجاۋۇز قىلىشى، تەيۋەن بوغۇزى ۋەزىيىتى قاتارلىق ئەھۋاللارنى سۆزلەپ كېلىپ خىتاي ھۆكۈمىتىنىڭ سىياسىي، ئىقتىساد ۋە ئىستراتېگىيە جەھەتتىكى تەھدىتلىرىنى تەنقىدلىگەن. شۇنداقلا ئۆزلىرىنىڭ ئىزچىل «بىر خىتاي» سىياسىتى بويىچە ئىش كۆرۈپ كەلگەنلىكى، ئۆزلىرىنىڭ ھېچقاچان توقۇنۇش پەيدا قىلىش كويىدا ئەمەس، ئەكسىچە ئەركىن، ئوچۇق ۋە بىخەتەر بولغان ھەمكارلىق ئورنىتىشنى ئىستەيدىغانلىقىنى، ئەمما خىتاينىڭ ئىزچىل بۇنىڭغا قارشى يۆنىلىشتە ئىش كۆرۈپ كەلگەنلىكىنى بايان قىلغان.

ئۇ سۆزىنىڭ ئاخىرىدا «كىشىلىك ھوقۇق بىز يەتمەكچى بولغان نىشانلارنى ئىشقا ئاشۇرۇشنىڭ ئاساسى. ئەمما ئۇلارنىڭ شىنجاڭدا دېموكراتىيەنى ھىمايە قىلغۇچىلار ۋە ئاز سانلىق مىللەتلەرگە نېمىلەرنى قىلىۋاتقانلىقى ب د ت نىڭ دوكلاتىدا بەكمۇ تەپسىلىي بايان قىلىنغان» دەپ كۆرسەتكەن.

مەلۇم بولۇشىچە، ئامېرىكا-خىتاي مۇناسىۋىتى ھازىر بارغانسېرى يىمىرىلىشكە يۈزلىنىۋاتقان بولۇپ، ئامېرىكادىكى سىياسىي ئانالىزچى گوردون چاڭ قاتارلىق بىرقىسىم سىياسىي ئانالىزچىلار بۇ خىل يۈزلىنىشنى يېقىن كەلگۈسىدە تېخىمۇ ئېغىرلايدۇ، دەپ كۆرسەتكەنىدى.

كۆپ كۆرۈلگەن خەۋەرلەر
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.