Bingtu'en orunliri ottura we bashlan'ghuch mekteplerde "Emgek terbiyesi" ni kücheytmekchi iken

Ixtiyariy muxbirimiz jewlan
2021-08-09
Share

"Bingtu'en géziti" ning xewer qilishiche, bingtu'en partkom yéqinda "Bingtu'enning yéngi dewr ottura we bashlan'ghuch mektep emgek terbiyesini omumyüzlük emeliyleshtürüsh heqqidiki teklipi" ni tarqitip, munasiwetlik orunlardin pikir alghan. "Teklip" te körsitilishiche, ottura we bashlan'ghuch mekteplerdiki oqughuchilar medeniyet bilimlirini ögen'gendin bashqa, kündilik turmush, ishlepchiqirish we mulazimet emgeklirige pilanliq, teshkillik halda qatnishidiken؛ oqughuchilargha qol sélip ishlesh, ter aqquzush, chéniqish, tawlinish, toghra emgek qarishi we qimmet qarishi turghuzush terbiyesi bérilidiken.
"Teklipte" te yene, bashlan'ghuch mektep balilirigha bérilidighan emgek terbiyesi heptide ikki sa'ettin kem bolmasliq, bashqa yilliqtiki balilargha bérilidighan terbiye 3 sa'ettin kem bolmasliq qatarliqlar belgilen'gen. Uningdin bashqa, kespiy téxnikom oqughuchilirigha bérilidighan emgek terbiyesi 16 sa'ettin kem bolmasliq, toluq kurs aliy mektep oqughuchilirighan bérilidighan emgek terbiyesi 32 sa'ettin kem bolmasliq qatarliqlar belgilen'gen.
Tehlilchilerning qarishiche, eslidinla "Ishlepchiqirish we qurulush" ni asas qilghan bingtu'en orunlirining hazirqi tereqqiyati téximu köp sandiki "Medeniyetlik emgekchi" lerni kérek qilidiken. Shunga ular her qaysi mekteplerde "Emgek terbiyesi" élip bérish arqiliq bu éhtiyajini qamdashni oylishiwatqan bolushi mumkin iken. Yene bir jehettin, xitay hökümiti Uyghur yashlirini qul ishchi qilish bilen qana'etlenmey, téximu köp emgek küchlirining yétiship chiqishi üchün ma'ariptin bashlap qol séliwatqan bolush éhtimalimu bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet