Белгийә хитайға дипломат әвәтип, уйғур мусапирниң аяли вә пәрзәнтлириниң из-дерикини қилған

Мухбиримиз сада
2019-06-18
Елхәт
Пикир
Share
Принт

12-Июн радийомизда белгийәдә сиясий панаһлиқ илтимаси қобул қилинған аблимит турсунниң 31-май хитай даирилири тәрипидин тутқун қилинған аяли вә төт пәрзәнти һәққидә тәпсилий хәвәр берилгәниди. 17-Июн күни белгийәдики бирюссел әркинлик университетидики уйғуршунас венесса франгвилле ханимниң твиттерға чаплиған учуридин белгийә һөкүмитиниң хитайға аблимит турсунниң аилә әзалирини сүрүштә қилиш үчүн дипломат әвәткәнлики мәлум болди.

Венесса франгвилле мәзкур учурниң растлиқини, хитай сақчилири аблимит турсунниң аялиниң телефонини қайтуруп бәргәндин кейин униң бүгүн, йәни 18-июн аяли билән телефонда сөзләшкәнликини ейтти. 

Аблимит турсунниң белгийәдики сиясий панаһлиқ илтимаси 2018-йили қобул қилинған болуп, у хитайда қалған аяли вә төт пәрзәнти билән җәм болуш үчүн белгийә көчмәнләр идариси вә ташқи ишлар министирлиқиға көп қетим илтимас сунған. Әмма хитай һөкүмити униң аяли вә балилириниң паспортини беҗирип бәрмигәнлики үчүн һеч бир нәтиҗә болмиған. 

28-Май күни аблимит турсунниң аяли һөрийәт бейҗиңдики белгийә әлчиханисиға виза илтимаси үчүн кирип, өзи вә балилириниң хитайниң тәһдитигә учраватқанлиқини билдүргән. Һалбуки әлчихана хадимлири униңға писәнт қилмай йәрлик хитай сақчилар билән алақиләшкән. 29-Май күни сәһәргә улишай дегәндә хитай сақчилар бейҗиңдики белгийә әлчиханисидин һөрийәт вә униң төт балисини мәҗбурий елип кәткән. 

Аблимит турсун бу әһвалларни белгийә ташқи ишлар министирлиқиға билдүргәндин кейин, хитай сақчилар 30-май һөрийәт вә униң балилирини бейҗиңдики меһманханисиға әкелип қойған. 31-Май һөрийәтниң телефони хитай сақчилири тәрипидин тартивелинип, шуниңдин бери йолдиши аблимит турсун билән болған алақиси пүтүнләй үзүлгән.

Пикирләр (0)
Share
Толуқ бәт