Bélgiye xitaygha diplomat ewetip, Uyghur musapirning ayali we perzentlirining iz-dérikini qilghan

Muxbirimiz sada
2019-06-18
Élxet
Pikir
Share
Print

12-Iyun radiyomizda bélgiyede siyasiy panahliq iltimasi qobul qilin'ghan ablimit tursunning 31-may xitay da'iriliri teripidin tutqun qilin'ghan ayali we töt perzenti heqqide tepsiliy xewer bérilgenidi. 17-Iyun küni bélgiyediki biryussél erkinlik uniwérsitétidiki Uyghurshunas wénéssa fran'gwillé xanimning twittérgha chaplighan uchuridin bélgiye hökümitining xitaygha ablimit tursunning a'ile ezalirini sürüshte qilish üchün diplomat ewetkenliki melum boldi.

Wénéssa fran'gwillé mezkur uchurning rastliqini, xitay saqchiliri ablimit tursunning ayalining téléfonini qayturup bergendin kéyin uning bügün, yeni 18-iyun ayali bilen téléfonda sözleshkenlikini éytti. 

Ablimit tursunning bélgiyediki siyasiy panahliq iltimasi 2018-yili qobul qilin'ghan bolup, u xitayda qalghan ayali we töt perzenti bilen jem bolush üchün bélgiye köchmenler idarisi we tashqi ishlar ministirliqigha köp qétim iltimas sun'ghan. Emma xitay hökümiti uning ayali we balilirining pasportini béjirip bermigenliki üchün héch bir netije bolmighan. 

28-May küni ablimit tursunning ayali höriyet béyjingdiki bélgiye elchixanisigha wiza iltimasi üchün kirip, özi we balilirining xitayning tehditige uchrawatqanliqini bildürgen. Halbuki elchixana xadimliri uninggha pisent qilmay yerlik xitay saqchilar bilen alaqileshken. 29-May küni seherge ulishay dégende xitay saqchilar béyjingdiki bélgiye elchixanisidin höriyet we uning töt balisini mejburiy élip ketken. 

Ablimit tursun bu ehwallarni bélgiye tashqi ishlar ministirliqigha bildürgendin kéyin, xitay saqchilar 30-may höriyet we uning balilirini béyjingdiki méhmanxanisigha ekélip qoyghan. 31-May höriyetning téléfoni xitay saqchiliri teripidin tartiwélinip, shuningdin béri yoldishi ablimit tursun bilen bolghan alaqisi pütünley üzülgen.

Toluq bet