Bingtu'en da'iriliri xitay köchmenlirini Uyghur élida "Yiltiz tartquzush" qa urunmaqta

Muxbirimiz irade
2021-04-08
Share

Uyghur élida turushluq ishlepchiqirish-qurulush bingtu'eni xitay köchmenlirini yötkeshni dawamliq kücheytmekte.

"Bingtu'en géziti" ning 7-april tarqatqan xewiridin melum bolushiche, bingtu'en 2020-yilliq "Gherbiy rayon pilani" boyiche yene 21 türni yolgha qoyup, xitay ölkiliridiki aliy mektep oqughuchilirini Uyghur élige jelp qilish we ularni bu yerde yiltiz tartquzush herikitini kücheytken.

Atalmish "Gherbiy rayon pilani" xitay hökümiti Uyghur élidiki bingtu'en'ge kélip orunlishidighan xitay köchmenlerni yenimu köpeytish üchün yolgha qoyghan mexsus istratigiye bolup, xitay da'iriliri 2018-yili 8-aydin bashlap bu heriketni bashlighan we atalmish "Pida'iy" larning xizmet we turmush yardem pulini zor derijide ashurghanliqini élan qilghan idi.

Xewerdin qarighanda, bingtüen 2020-yili peqet mushu tür boyichila ichkiri xitay ölkiliridin 3009 neper adem qobul qilghan, yene yéngidin 1377 ademni tizimlighan. Buning ichide Uyghur rayonida dawamliq qélip xizmet qilishni tallighanlar 1652 neperge yetken.

Diqqet qozghaydighini shuki, xitay da'iriliri bingtu'en'ge qerellik xizmetke kelgen bu atalmish "Pida'iy" larning Uyghur élida yerliship qélishini qolgha keltürüsh üchün mexsus "Oqutush, bashqurush, yardem bérish, qollash we saqlap qélish" dep atalghan bir siyaset endizisini yolgha qoyghan bolup, ular yéngidin kelgenlerning barliq turmush qéyinchiliqlirini hel qilishni, yardem pulini östürüshni, ular bilen qerellik sözliship turushni we netijide ularni Uyghur élida élip qélishni közleydiken.

Xitay hökümiti herxil nam, herxil siyasetler boyiche Uyghur éligha toxtimay xitay köchmenlirini yötkewatqan bolup, bingtu'en bu siyasetlerde dawamliq bashlamchiliq rol oynap kelgen. Bolupmu 2017-yili xitay milyonlighan Uyghurni lagérlargha qamighandin buyan bu herikitini yenimu tézletken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet